საფრანგეთში, ბოლო 24 საათში, კორონავირუსის 7 183 ახალი შემთხვევა დადასტურდა, - შესაბამის მონაცემებს ქვეყნის ჯანდაცვის სამინისტრო ავრცელებს.
აღსანიშნავია, რომ შაბათს საფრანგეთში ინფიცირების რეკორდულად მაღალი დღიური მაჩვენებელი - 10 561 შემთხვევა დადასტურდა, ინფიცირების შემთხვევებმა 10 000-ს გადააჭარბა კვირასაც.
საფრანგეთის პრემიერ-მინისტრმა ჟან კასტექსმა სამი დღის წინ სატელევიზიო მიმართვის დროს განაცხადა, რომ ქვეყანაში საყოველთაო კარანტინი არ იგეგმება.