ანტონიო გუტერეში - კორონავირუსის ეპიდემია უკონტროლო რჩება

ეპიდემია უკონტროლო რჩება, მალე ვირუსის გამო დაღუპული ადამიანების რაოდენობა მილიონს მიაღწევს,- ამის შესახებ გაერო-ს გენერალურმა მდივანმა ანტონიო გუტერეშმა განაცხადა.

მისი თქმით, მხოლოდ ვაქცინა პრობლემას ვერ გადაჭრის და ვირუსის გავრცელების შესაჩერებლად და ადამიანების სიცოცხლის გადასარჩენად საჭიროა ახალი და ყველა არსებული საშუალების გააქტიურება.

„მოდით, გარკვევით ვთქვათ : პანდემიაში პანაცეა არ არსებობს. ამ კრიზისს მხოლოდ ვაქცინა ვერ გადაჭრის. ვირუსის გავრცელების შესაჩერებლად და ადამიანების სიცოცხლის გადასარჩენად საჭიროა ახალი და ყველა არსებული საშუალების მასიური გააქტიურება, განსაკუთრებით მომავალი 12 თვის განმავლობაში,“-აღნიშნა გაერო-ს გენერალურმა მდივანმა.

მისივე თქმით, ვინაიდან „ვირუსი საზღვრებს არ ცნობს“, ვაქცინა ყველასთვის ხელმისაწვდომი უნდა გახდეს და „გლობალურ საზოგადოებრივ სიკეთედ“ უნდა იქცეს.

ანტონიო გუტერეშმა ხაზი გაუსვა, რომ ადამიანებს ვაქცინაციის სურვილი უნდა ჰქონდეთ, მან ისაუბრა "საგანგაშო ინფორმაციაზე“, რომ სხვადასხვა ქვეყანაში მოსახლეობის დიდი ნაწილი თავს იკავებს ან უარს ამბობს ახალი კორონავირუსის ვაქცინის მიღებაზე, მათი ეს დამოკიდებულება კი დეზინფორმაციის ზეგავლენითაა გამოწვეული.

”ამ ლეტალური დაავადების ფონზე, ჩვენ ყველაფერი უნდა გავაკეთოთ, რომ შევაჩეროთ დეზინფორმაცია, რომელიც კლავს”, - აღნიშნა გენერალურმა მდივანმა.

მან კორონავირუსი დღევანდელ სამყაროს „ნომერ პირველ გლობალურ საფრთხედ შეაფასა“ და აღნიშნა, რომ პანდემიის ფონზე მსოფლიოს მასშტაბით ცეცხლის შეწყვეტა აუცილებელია.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით