დავით ფურცხვანიძე, რომელმაც ბაჩალიაშვილის ოჯახის ადვოკატს სატელიტით გადაღებული ფოტომასალა მიაწოდა, თბილისის პროკურატურაში გამოკითხვაზე მივიდა

დავით ფურცხვანიძე, რომელმაც გარდაცვლილი პროგრამისტის, თამარ ბაჩალიაშვილის ოჯახის ადვოკატს, მიხეილ რამიშვილს, სატელიტით გადაღებული ფოტომასალა მიაწოდა თბილისის პროკურატურაში, თამარ ბაჩალიაშვილის საქმესთან დაკავშირებით გამოკითხვაზე მივიდა.

როგორც მან საგამოძიებო უწყებაში შესვლამდე განაცხადა, სამართლდამცავებმა მისი სახლისა და ოფისის ჩხრეკა განახორციელეს და ამოიღეს მისი კუთვნილი ნივთები.

„ჩემს სახლში და ოფისში მიმდინარეობდა ჩხრეკა. ამოღებულია ჩემი კუთვნილი ნივთები, კომპიუტერი, ტელეფონი, ჩანაწერები და ა.შ. რაც შეეხება ფოტომასალას, მე ის უცხოეთიდან მომაწოდეს, უფრო კონკრეტულად ამ ეტაპისთვის ვერ ვიტყვი ვინ მომცა“, - განაცხადა ფურცხვანიძემ.

ცნობისთვის, პროკურატურის ინფორმაციით, თამარ ბაჩალიაშვილის ოჯახის ადვოკატების მიერ გასაჯაროებულ ე.წ. სატელიტის ფოტოებზე დანიშნული ექსტერტიზის დასკვნის შედეგებით გაირკვა, რომ ისინი დამონტაჟებული და ყალბია.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს