რომან გოცირიძე - რაც უფრო პარტნიორულად და მშვიდად ვიქნებით ოპოზიციის წარმომადგენლები, მით უფრო ტექნიკურად და ლამაზად დავამარცხებთ „ქართულ ოცნებას”

რაც უფრო პარტნიორულად და მშვიდად ვიქნებით ოპოზიციის წარმომადგენლები ამ საარჩევნო კამპანიაში, მით უფრო ტექნიკურად და ლამაზად დავამარცხებთ „ქართულ ოცნებას”, - ამის შესახებ ფრაქცია „ნაციონალური მოძრაობის” თავმჯდომარემ, რომან გოცირიძემ განაცხადა.

გოცირიძის თქმით, ოპოზიციურ პარტიებს შორის კინკლაობა „ქართული ოცნების” წისქვილზე ასხამს წყალს.

რაც შეეხება გავრცელებულ ინფორმაციას იმის შესახებ, რომ „ნაციონალურმა მოძრაობამ" „ევროპულ საქართველოს" არჩევნებზე ერთიანი სიის ფორმირება შესთავაზა, გოცირიძემ განაცხადა, რომ თანამშრომლობის ეს მოდელი ოპოზიციამ არ გაიზიარა.

მიხეილ სააკაშვილმა განაცხადა ერთიანი სიის შესახებ, რამდენჯერმე ძალიან ხმამაღლა მიმართა ოპოზიციას, ოპოზიციის მხრიდან თანამშრომლობის ეს მოდელი არ იყო გაზიარებული. არ იყო და გავედით არჩევნებში სხვა ფორმატით, ვართ კონკურენტები და მომავალში, კოალიციურ ხელისუფლებაში ვიქნებით პარტნიორები. ეს არის ჩვენი მოქმედების მოდელი და მე არ ვაპირებ ოპოზიციურ პარტიებს შორის რაღაც კინკლაობის გაგრძელებას, რომელიც „ქართული ოცნების” წისქვილზე ასხამს წყალს. რაც უფრო პარტნიორულად და მშვიდად ვიქნებით ოპოზიციის წარმომადგენლები ამ საარჩევნო კამპანიაში, მით უფრო ტექნიკურად და ლამაზად დავამარცხებთ „ქართულ ოცნებას”. არ უნდა მივცეს შანსი, რომ თუნდაც ეს კინკლაობები გამოიყენონ საერთო მიზნის საწინააღმდეგოდ”, - განაცხადა გოცირიძემ.

შეგახსენებთ, გავრცელებული ინფორმაციით, "ნაციონალურმა მოძრაობამ" "ევროპულ საქართველოს" არჩევნებზე ერთიანი სიის ფორმირება შესთავაზა. ასევე, არსებული ცნობით, მოლაპარაკებების დროს საუბარი იყო თანამდებობის გადანაწილებაზე, კერძოდ, პრემიერის პოსტზე მხარდაჭერა მიხეილ სააკაშვილს უნდა მიეღო, "ნაციონალური მოძრაობა" კი თავის მხრივ "ევროპული საქართველოს" ლიდერ დავით ბაქრაძეს მხარს პარლამენტის თავმჯდომარის პოსტზე დაუჭერდა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება