დავით ჭიჭინაძე - ივანიშვილის 35-წუთიან სიტყვაში ისეთი ვერაფერი მოვისმინე, სადღაც მაინც ჩამეთვალა, რომ შეცდომა დავუშვი, როდესაც „ქართული ოცნებიდან“ წამოვედი

ბიძინა ივანიშვილის 35-წუთიან სიტყვაში ისეთი ვერაფერი მოვისმინე, სადღაც მაინც ჩამეთვალა, რომ შეცდომა დავუშვი, როდესაც „ქართული ოცნებიდან“ წამოვედი, - ამის შესახებ პოლიტიკური მოძრაობა „ტრიბუნას“ ლიდერმა დავით ჭიჭინაძემ განაცხადა.

მისი შეფასებით, ივანიშვილის მიერ გაკეთებული განცხადება, არა ლიდერის, არამედ დაღლილი ადამიანის სიტყვა იყო, რომელიც პოლიტიკაში ყოფნით დაღალა.

„მივიჩნევ, რომ ნებისმიერი ადამიანი, რომელიც ტოვებს „ოცნებას“, იქცევა სწორად და ეს ხალხის გვერდში დგომას ნიშნავს.

ივანიშვილის გამოსვლა არ იყო ლიდერის გამოსვლა, ეს იყო დაღლილი ადამიანის სიტყვა, რომელიც დაიღალა პოლიტიკაში ყოფნით და ეძებს გასასვლელს, თან ისე, რომ მაქსიმალურად არ დაზიანდეს.

შესაბამისად, არც პროგრამა მოგვისმენია. ეს იყო საკუთარი ნამოქმედარის შემაჯამებელი სიტყვა, ისევ მხოლოდ წინა ხელისუფლების დანაშაულები და არანაირი პერსპექტივა, არანაირი სიახლის შეთავაზება.

სცენაზე კი, ბევრი თვითკმაყოფილი ჩინოვნიკი ვიხილეთ. მათ შორის, ბევრი ისეთი ადამიანი, ვინც სწორედ იმ 9 წლის უსამართლობის შემოქმედი იყო. როდესაც ვიღაცის ბიზნესის ტერორზე საუბრობს ივანიშვილი, თუნდაც ნათია თურნავა იყო ისეთი კომპანიის დირექტორი, რომელმაც ამ ქვეყანაში ძალიან ბევრი კომპანია დააზარალა და დაატერორა, ასე რომ, ეს ხალხი როცა ზურგს გიმაგრებს, იმ წარსულზე ნამდვილად არ უნდა ილაპარაკო.

არც იმის თქმა შეგვიძლია, რომ ლარი ისეთივეა როგორც 9 და 10 წლის წინ. ბევრად დასუსტებულია და შესაბამისად, ის გაორმაგებული თანხები, არაფერ სიკეთეს არ იძლევა,“- განაცხადა დავით ჭიჭინაძემ.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“