ვარკეთილში ჭიდაობის დარბაზი გაიხსნება

თბილისის მერის, კახა კალაძის ინფორმაციით, დღეს ვარკეთილის მეურნეობაში ჭიდაობის დარბაზი გაიხსნება. ამის შესახებ კალაძემ თბილისის მუნიციპალიტეტის მთავრობის სხდომაზე განაცხადა.

მისივე თქმით, ჭიდაობის დარბაზთან ერთად, ტანვარჯიშისა და ფიტნესის დარბაზებიც მოეწყო, პროექტის საერთო ღირებულებამ 906 179 ლარი შეადგინა.

,,ვარკეთილის მეურნეობაში დღეს ვხსნით ჭიდაობის დარბაზს. აქ იყო შენობა, რომელიც სპორტდარბაზად გადაკეთდა და რეაბილიტირდა. აქ მოეწყო არა მარტო ჭიდაობის, არამედ ტანვარჯიშისა და ფიტნესის დარბაზებიც. პროექტის ღირებულება 906 179 ლარია. თავიდანვე ხაზგასმით ვამბობდი, რომ ყველა რაიონში მიექცეოდა განსაკუთრებული ყურადღება და არ გვექნებოდა გამოყოფილი პრიორიტეტული რაიონები, მხოლოდ ცენტრალური უბნები და ცენტრალური ქუჩები. ყველა ქუჩას და ყველა რაიონს ექცევა შესაბამისი ყურადღება. ჩვენ დაპირებულები ვიყავით, რომ ამ პროექტს განვახორციელებდით და ეს დაპირება შევასრულეთ. გვინდა მულტიფუნქციური კომპლექსები ყველა რაიონში გაკეთდეს, რომელიც იქნება ხელმისაწვდომი ყველა თაობის ადამიანისთვის და დაგვეხმარება ჯანსაღი ცხოვრების წესის დანერგვაში“, - განაცხადა კახა კალაძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს