შს სამინისტროს თანამშრომლებს გულ-სისხლძარღვთა დაავადებების პრევენციისთვის გამოკვლევები უტარდებათ

შინაგან საქმეთა სამინისტროს სსიპ ჯანმრთელობის დაცვის სამსახურსა და აკადემიკოს გულიკო ჩაფიძის სახელობის გადაუდებელი კარდიოლოგიის ცენტრს შორის გაფორმებული მემორანდუმის საფუძველზე, შინაგან საქმეთა სამინისტროს თანამშრომლებსა და მათი ოჯახის წევრებს კარდიოლოგიური გამოკვლევები და კონსულტაციები უტარდებათ. ამის შესახებ „ინტერპრესნიუსს“ შსს-დან აცნობეს.

უწყების ინფორმაციით, პროფილაქტიკური გამოკვლევების მიზანია გულ-სისხლძარღვთა დაავადებების პრევენციის ღონისძიებების ჩატარება.

როგორც შსს-ში აღნიშნავენ, პროფილაქტიკური კარდიოლოგიური კვლევები უტარდებათ როგორც თბილისში, ასევე რეგიონებში მომუშავე პოლიციელებს და მათი ოჯახის წევრებს.

„კვლევებს აკადემიკოს გულიკო ჩაფიძის სახელობის გადაუდებელი კარდიოლოგიის ცენტრის მობილური ჯგუფები ატარებენ.

კარდიოლოგიის ცენტრსა და შინაგან საქმეთა სამინისტროს სსიპ ჯანმრთელობის დაცვის სამსახურს შორის მემორანდუმი 2019 წელს გაფორმდა. მემორანდუმის საფუძველზე, პროფილაქტიკური კარდიოლოგიური კვლევები 2 წლის განმავლობაში ჩაიტარა 3000-მდე ადამიანმა - დედაქალაქსა და რეგიონებში“, - აღნიშნულია ინფორმაციაში.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!