სომხეთის პროვოკაციის შედეგად დაღუპულია 63 და დაშავებულია 292 მშვიდობიანი მოქალაქე, - ამის შესახებ ინფორმაციას აზერბაიჯანული მედია ქვეყნის გენერალურ პროკურატურაზე დაყრდნობით ავრცელებს. ამავე მონაცემების თანახმად, სომხეთის მიერ დასახლებების დაბომბვის შედეგად სერიოზულად დაზიანდა 90 მრავალსართულიანი საცხოვრებელი კორპუსი, 1 981 სახლი და სამოქალაქო ინფრასტრუქტურის 386 შენობა.
მთიან ყარაბაღში კონფლიქტი 27 სექტემბერს გამწვავდა. სომხეთმა და აზერბაიჯანმა ცეცხლის დროებით შეწყვეტის შესახებ შეთანხმებას ორჯერ - 10 და 17 ოქტომბერს მიაღწიეს, თუმცა კონფლიქტის ზონაში საბრძოლო მოქმედებები არ წყდება. მხარეები ცეცხლის შეწყვეტის რეჟიმის დარღვევაში ერთმანეთს ადანაშაულებენ.