საბურთალოს მაჟორიტარი დეპუტატობის კანდიდატის, ირაკლი ოქრუაშვილის განცხადებით, ის 2020 წლის არჩევნების შედეგებს არ აღიარებს. როგორც მან ჟურნალისტებს განუცხადა, ოპოზიციური პარტიის წარმომადგენლებმა უარი უნდა თქვან თავიანთ მანდატზე, რაც ხელახალ არჩევნებს განაპირობებს.

"ეს არჩევნები არ არის ლეგიტიმური, შედეგებს ჩვენ არ ვცნობთ. რაც შეეხება კონკრეტულ ნაბიჯებს, რამდენიმე პარტიას მისაღები აქვს გადაწყვეტილება პარლამენტში არშესვლასთან დაკავშირებით. ჩემი პოზიცია არის ერთმნიშვნელოვანი, რომ ოპოზიცია პარლამენტში არ უნდა შევიდეს, მაგრამ ყველა პარტიამ გადაწყვეტილება თავისით უნდა მიიღოს. საუბარია მანდატებზე უარის თქმაზე, რაც ავტომატურად გამოიწვევს ხელახალ არჩევნებს",-განაცხადა ირაკლი ოქრუაშვილმა.

ცნობისთვის, ოპოზიცია არჩევნების შედეგებს არ აღიარებს და მასშტაბურ აქციებს აანონსებს.