ოპოზიციური პარტიების ლიდერები და მათი მხარდამჭერები მეტროსადგურ „დელისიდან” ვაჟა-ფშაველას გამზირის მიმართულებით მსვლელობას მართავენ

ოპოზიციური პარტიების ლიდერები და მათი მხარდამჭერები მეტროსადგურ „დელისიდან” ვაჟა-ფშაველას გამზირის მიმართულებით მსვლელობას მართავენ.

მსვლელობის მონაწილეების განცხადებით, მათი მიზანია მოქალაქეების ინფორმირება კვირას დაგეგმილ აქციასთან დაკავშირებით.

მსვლელობაში მონაწილეობას იღებენ „ნაციონალური მოძრაობის“ , „ლელო საქართველოსთვის” და „ევროპული საქართველოს” წარმომადგენლები.

მსვლელობის მონაწილეები არიგებენ ფლაერებს წარწერებით: „გაყალბებულია”, „კვირას 3-ზე პარლამენტთან”.

„ჩვენ ვემზადებით ძალიან დიდი, მასშტაბური აქციისთვის, სადაც ერთიანი ოპოზიცია და მოქალაქეები ერთად ეტყვიან ბიძინა ივანიშვილს, რომ საქართველო არ არის ის ქვეყანა, სადაც შეგიძლია მიიტაცო ძალაუფლება და მიიტაცო არჩევნები. გვექნება მსვლელობა და მოქალაქეებს გავესაუბრებით ამ საკითხზე. მოთხოვნები არის ცხადი, უნდა ჩატარდეს განმეორებითი არჩევნები”;- განაცხადა “ევროპული საქართველოს” წევრმა ელენე ხოშტარიამ.

ცნობისთვის, ოპოზიციური პარტიების წარმომადგენლებმა, კვირას, 8 ნოემბერს, 15:00 საათზე, მასშტაბური აქცია დაანონსეს.

იხილეთ ვიდეო: ოპოზიცია მეტროსადგურ "დელისიდან" ვაჟა-ფშაველას გამზირის მიმართულებით მსვლელობას მართავენ

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის