ბექა დავითულიანის განცხადებით, obozrevatel.com-ის  ჩანაწერებით გამოჩნდა, რომ „ნაცმოძრაობის“ ნაწილი საკმაოდ ობიექტურად აფასებს საკუთარ მდგომარეობას

„ქართული ოცნება- დემოკრატიული საქართველოს“ სიის წევრის ბექა დავითულიანის განცხადებით, obozrevatel.com-ის მიერ გამოქვეყნებულ აუდიოჩანაწერებით გამოჩნდა, რომ „ნაციონალური მოძრაობის“ ნაწილი საკმაოდ ფხიზლად და ობიექტურად აფასებს როგორც საკუთარ, ასევე „ქართული ოცნების“ რეალურ მდგომარეობას. როგორც დავითულიანმა განაცხადა, ჩანაწერში ოპიზიციის წარმომადგენლები ამბობენ, რომ მიხეილ სააკაშვილი დასავლეთისთვის დესტაბილიზაციის წყაროა, ხოლო „ქართული ოცნება“ თავისი განახლებული გუნდით დასავლეთის მხარდაჭერის მქონე.

„სანიკიძის და ალასანიას ჩანაწერში სიახლე არაფერი ყოფილა. გადა იმისა, რომ ახალი აქტორი შეემატათ გუბაზ სანიკიძის სახით, ამ რევულუციურ სცენარებზე დიდი ხანია ვსაუბრობთ და ახალი არაფერია ამაში ჩემთვის. რაც შეეხება მეორე ჩანაწერს, იქ სალომე სამადაშვილის კომენტარით რამდენადაც მივხვდი, ავთენტურობაზე კითხვის ნიშნები არ გაჩენილა, ფაქტობრივად დაადასტურა მისი ავთენტურობა. იქ სიახლე ის არის, რომ გამოჩნდა, რომ ეს ხალხი, „ნაციონალური მოძრაობის“ ნაწილი საკმაოდ ფხიზლად და ობიექტურად აფასებს საკუთარ მდგომარეობას. ასევე ფხიზლად და ობიექტურად აფასებს „ქართული ოცნების“ რეალურ მდგომარეობას. ხალხის და დასავლეთის მხარდაჭერას „ქართული ოცნებისადმი“, თვითონვე ამბობენ ამ ჩანაწერში, რომ მიხეილ სააკაშვილი დასავლეთისთვის „პერსონა ნონ გრატა“ და დესტაბილიზაციის წყაროა საქართველოში. ხოლო „ქართული ოცნება“ თავისი განახლებული გუნდით არის დასავლეთის მხარდაჭერის მქონე, ქვეყნის განვითარებისთვის სტაბილურობის გარანტი. ამას ამბობენ თავისი პირით და თან ამბობენ, რომ „ქართულ ოცნებას“, რა თქმა უნდა, დაუჭირეს მხარიო, იმიტომ, რომ ჩვენს გუნდს შეხედეთ და შეხედეთ მათ გუნდსო. შეფასებებში, გაგიკვირდებათ და ვეთანხმებით“,- განაცხადა დავითულიანმა.

ცნობისთვის, უკრაინული ვებ-გვერდი obozrevatel.com აუდიოჩანაწერს ავრცელებს, რომელშიც მათი ინფორმაციით, ოპოზიციონერი გუბაზ სანიკიძე და თემურ ალასანია ფიგურირებენ. ვებ-გვერდის ინფორმაციით, ჩანაწერში განიხილება სამოქმედო გეგმა ხელისუფლებისთვის ძალაუფლების ძალადობრივი გზით ჩამორთმევის მიზნით. obozrevatel - ის მიერ გავრცელებულ კიდევ ერთ ჩანაწერში, მათივე ინფორმაციით, "ნაციონალური მოძრაობის" ერთ-ერთი ლიდერი სალომე სამადაშვილი საუბრობს, თუმცა ვის ესაუბრება, იდენტიფიცირებული არ არის. ავთენტურია თუ არა ჩანაწერი, ამ ეტაპზე უცნობია.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 18.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის