პოლიტიკური პარტია „თავისუფალი დემოკრატები" საერთო ოპოზიციურ პროტესტს უერთდება, რომელიც დღეს, 15.00 საათზე რუსთაველის გამზირზე, საქართველოს პარლამენტის მიმდებარე ტერიტორიაზე გაიმართება.
„თავისუფალი დემოკრატების“ თავმჯდომარის, თამარ კეკენაძის განცხადებით, დღეს რუსთაველზე მოსვლით, ჩვენ ყველანი ერთმანეთის მომავალს ვიცავთ.
„თავისუფალი დემოკრატები“ არ ვაპირებთ შევეგუოთ თამაშის იმ წესებს, რომელიც ბიძინა ივანიშვილმა შემოგვთაზა. ვიბრძოლებთ ბოლომდე, რათა დაინიშნოს ახალი არჩევნები და ჩვენს მოქალაქეებს მიეცეთ საშუალება გამოხატონ საკუთარი ნება.
მნიშვნელოვანია გავიაზროთ, რომ ეს არის რთული პროცესი და საჭიროა სიმყარის შენარჩუნება. არ უნდა წამოვეგოთ პროვოკაციებს და მშვიდობიანად, თანმიმდევრულად ვიმოქმედოთ.
აუცილებელია აქციებზე ყველამ დავიცვათ დისტანცია და ვატაროთ პირბადე. დარწმუნებული ვარ, რომ ერთად შევძლებთ როგორც ჩვენი ხმების, ასევე ერთმანეთის უსაფრთხოების დაცვას“, - აცხადებს კეკენაძე.