კატალონიაში პარლამენტის არჩევნები მიმდინარეობს. კატალონიის მცხოვრებლებმა ადგილობრივი პარლამენტის 135 დეპუტატი უნდა აირჩიონ.

ხმის მიცემის უფლება რეგიონში 5,5 მილიონ ადამიანს აქვს.

კატალონიის ხელისუფლება ამომრჩევლებს მოუწოდებს ხმის მიცემის დროს ჰიგიენის ნორმები და დისტანცია მაქსიმალურად დაიცვან.

საზოგადოებრივი გამოკითხვის მიხედვით, კატალონიის დამოუკიდებლობის მომხრეებსა და მოწინააღმდეგეებს თითქმის თანაბარი რეიტინგი აქვთ. კატალონიაში ბოლოს არჩევნები 2017 წელს მას შემდეგ ჩატარდა, რაც ესპანეთის ხელისუფლებამ რეგიონში გამართული ე.წ. „დამოუკიდებლობის რეფერენდუმის“ შედეგები უკანონოდ ცნო.

იხილეთ ვიდეო:კატალონიაში პარლამენტის არჩევნები მიმდინარეობს