ინგლისში სწრაფი კოვიდტესტების გაკეთება კვირაში ორჯერ უფასოდ იქნება ხელმისაწვდომი

ინგლისში მოქალაქეებისთვის კორონავირუსის სწრაფი ტესტის გაკეთება კვირაში ორჯერ უფასოდ იქნება ხელმისაწვდომი, - ამის შესახებ ინფორმაციას BBC-ი ავრცელებს.

გამოცემის ცნობით, მთავრობის მიერ ინიცირებული ტესტირების პროგრამის გაფართოება 9 აპრილიდან იგეგმება.

ტესტის ნაკრებების მიღება, რომლებსაც პასუხის დადგენა დაახლოებით 30 წუთში შეუძლია, საიტების, აფთიაქებისა და ფოსტის საშუალებით იქნება შესაძლებელი. ტესტის გაკეთებას მოქალაქეები ტესტირების ცენტრებშიც შეძლებენ.

ქვეყნის ჯანდაცვის მინისტრის თქმით, პროგრამა, „ლოქდაუნის“ რეჟიმის შემსუბუქების ფონზე, ვირუსის გავრცელების პრევენციის კუთხით მნიშვნელოვან როლს შეასრულებს.

იმ შემთხვევაში, თუ ტესტის პასუხი დადებითი იქნება, მოქალაქე, ოჯახთან ერთად, იზოლაციაში გადავა. მათ მეორე, პისიარ ტესტის გაკეთების მოთხოვნის საშუალებაც მიეცემათ და აღებული ნიმუშები ანალიზისთვის ლაბორატორიაში გაიგზავნება.

მედიის ინფორმაციით, გაერთიანებული სამეფოს პრემიერ-მინისტრი ბორის ჯონსონი დღეს 12 აპრილიდან შეზღუდვების შემსუბუქების შესახებ განცხადებას გააკეთებს. კერძოდ, ის საცალო სავაჭრო, ღია ტიპის სამასპინძლო ბიზნეს ობიექტების და სილამაზის სალონების გახსნას დააანონსებს.

იხილეთ ვიდეო:ინგლისში სწრაფი კოვიდტესტების გაკეთება კვირაში ორჯერ უფასოდ იქნება ხელმისაწვდომი

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს