ანრი ოხანაშვილი - აქციას არავის ვუწყობთ და არც გვაქვს არავისთვის არაფერი მოსაწყობი

აქციას არავის ვუწყობთ და არც გვაქვს არავისთვის არაფერი მოსაწყობი. არანაირი ინტერესი და ორგანიზაციული უზრუნველყოფა ამ საკითხებთან მიმართებით ჩვენ არ გვაქვს, - ასე გამოეხმაურა იურიდიულ საკითხთა კომიტეტის თავმჯდომარე ანრი ოხანაშვილი ჟურნალისტებთან საუბრისას მომღერალ გია გაჩეჩილაძის (უცნობი) მიერ ორგანიზებულ ღონისძიებას.

მისივე თქმით, საქართველოში გამოხატვის თავისუფლება დაცულია.

„ქართული ოცნების" გუნდი არის საქართველოს პარლამენტში და ჩვენ არ გვჭირდება არავისთან აქცია. შესაბამისად, ყველა ადამიანს აქვს შეკრების თავისუფლება და ყველას შეუძლია გამოხატოს თავისი პათოსი. მე არ ვიცი რა იდეის გარშემო იკრიბებიან და რა უნდათ. ყველა პოლიტიკურ ჯგუფს, ყველა არაპოლიტიკურ საზოგადოებრივ ჯგუფს საქართველოში სრულად აქვს გარანტირებული გამოხატვის თავისუფლება და შეუძლიათ გამოხატონ. ასე რომ, ეს მათი არჩევანია. მე ვიზიარებ "ქართული ოცნების" გუნდის სულისკვეთებასა და პოლიტიკას და შესაბამისად, აქციას არავის არც ვუწყობთ და არც გვაქვს არავისთვის არაფერი მოსაწყობი. არანაირი ინტერესი და ორგანიზაციული უზრუნველყოფა ამ საკითხებთან მიმართებით ჩვენ არ გვაქვს", - განაცხადა ოხანაშვილმა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს