13 აპრილიდან მუსლიმურმა სამყარომ ერთთვიანი, მძიმე მარხვა დაიწყო, - ამის შესახებ ინფორმაციას რელიგიის საკითხთა სახელმწიფო სამსახური ავრცელებს.
მათი ცნობით, 13, 14, 15 მაისს მარხვა სრულდება და რამადან-ბაირამი აღინიშნება.
„მარხვა ყველა მუსლიმს სულისა და გონების მობილიზაციას ავალდებულებს, მისი მიზანია, მორწმუნეები უფრო დაუახლოვდნენ ღმერთს და გაიხსენონ ის ადამიანები, ვინც განსაცდელშია.
რამადანი მუსლიმთათვის გამოცდის, უდიდესი ნებისყოფისა და ვნებებზე გამარჯვების პერიოდია. მარხვის თვეში მუსლიმებისთვის მნიშვნელოვანია ღვთისმსახურება, ქველმოქმედება, გაჭირვებულების დახმარება. ქველმოქმედების ერთ-ერთი მაგალითია მარხვის თვეში მორწმუნე ადამიანების ვახშამზე ანუ იფტარზე მიპატიჟება“,- ნათქვამია ინფორმაციაში.