შალვა შავგულიძემ და ანა ნაცვლიშვილმა შარლ მიშელის მიერ შემუშავებულ შეთანხმების დოკუმენტს ხელი მოაწერეს

საქართველოში ევროკავშირის წარმომადგენლობის ოფისში, პარლამენტის არჩეულმა დეპუტატმა, შალვა შავგულიძემ და "ლელოს" ერთ-ერთმა ლიდერმა ანა ნაცვლიშვილმა ევროპული საბჭოს პრეზიდენტის, შარლ მიშელის მიერ შემუშავებულ შეთანხმების დოკუმენტს ხელი მოაწერეს.

შალვა შავგულიძის განცხადებით, პოლიტიკოსებმა შემდგომი მოქმედებები ამ შეთანხმებიდან გამომდინარე უნდა განაგრძონ.

"მე ვფიქრობ, რომ ამ ეტაპზე შემოთავაზების ეს ბოლო ვარიანტი უნდა მივიღოთ დამაკმაყოფილებლად. პოლიტიკა ეს არ არის სურვილების რეალიზების ხელოვნება, ეს არის შესაძლებლობების რეალიზების ხელოვნება. მადლობა უნდა ვუთხრათ დასავლელ პარტნიორებს, რომელთა ძალისხმევის შედეგად გახდა შესალებელი ამ შედეგის მიღწევა და ხელი არ უნდა ავუკრათ ამაზე, წინააღმდეგ შემთხვევაში შეიძლება ჩვენ დავრჩეთ მარტო "ქართული ოცნების" და შესაბამისად, რუსეთის წინააღმდეგ და ამ შეთანხმებიდან გამომდინარე უნდა გავაგრძელოთ შემდეგი მოქმედებები ჩვენი ქვეყნის დემოკრატიული განვითარებისკენ და ევროატლანტიკური ინტეგრირებისთვის", - განაცხადა შავგულიძემ.

ცნობისთვის, საქართველოში ევროკავშირის წარმომადგენლობის ოფისი პარლამენტის ყველა არჩეული წევრისთვის ღიაა, რომელსაც შეთანხმების დოკუმენტზე ხელი ჯერ კიდევ არ მოუწერია.

შეგახსენებთ, რომ შარლ მიშელის დოკუმენტზე - „საქართველოს წინსვლის გზა“ ხელისუფლებასა და ოპოზიური პარტიების ნაწილს შორის შეთანხმება. კერძოდ, შეთანხმების ტექსტს ოპოზიციური სპექტრიდან ხელი მოაწერეს: „სტრატეგია აღმაშენებლის“ თავმჯდომარე გიორგი ვაშაძემ, "ლელოს“ ლიდერებმა - ბადრი ჯაფარიძემ და მამუკა ხაზარაძემ, "რესპუბლიკური პარტიის“ თავმჯდომარე ხათუნა სამნიძემ, „მოქალაქეების“ თავმჯდომარე ალეკო ელისაშვილმა და „გირჩის“ ერთ-ერთმა ლიდერმა ვახტანგ მეგრელიშვილმა. ასევე დოკუმენტზე ინდივიდუალური ხელმოწერა დააფიქსირეს „ნაციონალური მოძრაობის“ ერთ-ერთმა ლიდერმა სალომე სამადაშვილმა, პარლამენტის დამოუკიდებელმა წევრმა დავით ბაქრაძემ და „გირჩი - მეტი თავისუფლებისთვის“ თავმჯდომარე ზურაბ ჯაფარიძემ, პარლამენტის არჩეულმა წევრმა არმაზ ახვლედიანმა, საპარლამენტო უმრავლესობიდან გასულმა 4-მა დეპუტატმა - გიორგი ხოჯევანიშვილმა, ანა ბუჩუკურმა, ბექა ლილუაშვილმა, შალვა კერესელიძემ და პარტია „ევროპელი სოციალისტების“ ერთ-ერთმა ლიდერმა, პარლამენტის საგარეო ურთიერთობების კომიტეტის თავმჯდომარის მოადგილემ დავით ზილფიმიანმა.

დოკუმენტს ამ ეტაპზე არ შეერთებია „ნაციონალური მოძრაობა“ და „ევროპული საქართველო“, შესაბამისად, შეთანხმების ტექსტს არ აქვს მათი ხელმოწერა.

შარლ მიშელის დოკუმენტზე - „საქართველოს წინსვლის გზა“ თანხმობა დააფიქსირა „ქართულმა ოცნებამაც“.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები