კახა კუჭავა - გადაწყვეტილების მიღების დროს - იქნება ეს პოლიტიკის დოკუმენტი, თუ კანონმდებლობა, აუცილებელია უმაღლეს სასწავლებლებთან კონსულტაცია
საქართველოს პარლამენტის თავმჯდომარის კახა კუჭავას განცხადებით, გადაწყვეტილების მიღების დროს, იქნება ეს პოლიტიკის დოკუმენტი, თუ კანონმდებლობა უმაღლეს სასწავლებლებთან კონსულტაცია აუცილებელია. ამის შესახებ კუჭავამ ქუთაისის საერთაშორისო უნივერსიტეტში, უმაღლესი განათლებისა და მეცნიერების მიმართულებით არსებულ სამეცნიერო-საკონსულტაციო საბჭოს წევრებთან შეხვედრაზე განაცხადა.
„ყველაზე მეტად პულსზე ხელი გიჭირავთ თქვენ - უნივერსიტეტებს, უმაღლეს სასწავლებლებს, ყოველდღიურად გესმით გამოწვევების და ახალი შესაძლებლობების შესახებ - ეს უნდა ისმოდეს ჩვენთან, რათა პარლამენტმა შეძლოს გაანალიზება და შემდეგ უკვე გადაწყვეტილების მიღება. იმედი მაქვს, ერთობლივი მუშაობით მომზადდება ისეთი დოკუმენტები, რომლებიც განმსაზღვრელი იქნება განათლების სისტემის განვითარებისთვის”, - განაცხადა პარლამენტის თავმჯდომარემ.
კახა კუჭავამ პარლამენტის დღის წესრიგსა და ქვეყნის უმაღლესი საკანონმდებლო ორგანოს საზედამხედველო ფუნქციის გაძლიერების მნიშვნელობაზეც გაამახვილა ყურადღება.
ამასთან, პარლამენტის თავმჯდომარემ უნივერსიტეტის მშენებლობასა და განვითარებაში განხორციელებული უპრეცედენტო ინვესტიციისთვის ფონდ „ქართუს" მადლობა გადაუხადა.
v-if="article.gallery" v-html="article.gallery"
