გიორგი ტყემალაძე - ჩვენი ქალაქისთვის სასიკეთო გადაწყვეტილებები მოსახლეობასთან ერთად უნდა მივიღოთ
ჩვენი ქალაქისთვის სასიკეთო გადაწყვეტილებები მოსახლეობასთან ერთად უნდა მივიღოთ,- ამის შესახებ „ქართული ოცნება-დემოკრატიული საქართველოს" ვაკის რაიონის მაჟორიტარობის კანდიდატმა გიორგი ტყემალაძემ მოსახლეობასთან შეხვედრისას განაცხადა.
საარჩევნო კამპანიის ფარგლებში, გიორგი ტყემალაძე ნუცუბიძის მეოთხე მიკრო რაიონის მოსახლეობას შეხვდა. მმართველი პარტიის მაჟორიტარობის კანდიდატმა დედაქალაქის მთავრობის მიერ განხორციელებულ წარმატებულ რეფორმებზე ისაუბრა და ადგილობრივებს სამომავლო გეგმები გააცნო.
„ყოველდღიურ რეჟიმში ვხვდებით მოსახლეობას და ადგილზე ვეცნობით თითოეულ უბანში არსებულ ვითარებას. ვისმენთ მათ მოსაზრებებსა და თხოვნებს. ჩვენთვის ძალიან მნიშვნელოვანია მოსახლეობის აქტიური ჩართულობა, რადგან ყველაზე უკეთ მათ იციან, თუ რა პრიორიტეტებია ამა თუ იმ უბანში. ჩვენი ქალაქისთვის სასიკეთო გადაწყვეტილებები მოსახლეობასთან ერთად უნდა მივიღოთ“, - განაცხადა გიორგი ტყემალაძემ.
აღნიშნულ ინფორმაციას “ქართული ოცნება-დემოკრატიული საქართველოს“ პრესსამსახური ავრცელებს.
v-if="article.gallery" v-html="article.gallery"
