„ლელოს” ლიდერები ბადრი ჯაფარიძე, სალომე სამადაშვილი, ანა ნაცვლიშვილი, გრიგოლ გეგელია და ანა ბიბილაშვილი ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) სადამკვირვებლო მისიის ხელმძღვანელ ალბერტ იონსონს, ხელმძღვანელის მოადგილე ჟილ საფისა და პოლიტიკურ ანალიტიკოს, ურდურ გუნარსდოტირს შეხვდნენ. ამის შესახებ „ინტერპრესნიუსს“ „ლელოდან“ აცნობეს.

„2021 წლის ოქტომბრის არჩევნების თავისუფალ გარემოში ჩასატარებლად, ეუთო-ს დემოკრატიული ინსტიტუტი საქართველოში საარჩევნოდ 380-მდე დამკვირვებელს აგზავნის.

„ლელო" მიესალმება ჩვენი დასავლელი პარტნიორებისა და მეგობრების მიერ წინასაარჩევნო პერიოდში გამოჩენილ მნიშვნელოვან ძალისხმევას,“- ნათქვამია „ლელო საქართველოსთვის“ მიერ გავრცელებულ განცხადებაში.