მე მესმის, რომ სააკაშვილს მიეწოდება სამედიცინო დახმარება მისი პირადი ექიმებისგან, მაგრამ კიდევ ერთხელ ვიმეორებ, ჩვენ ვადევნებთ თვალყურს, რომ მისი ყველა უფლება დაცული იყოს, - ამის შესახებ ევროპარლამენტარმა მარინა კალიურანდმა ვებინარზე განაცხადა, რომელმაც შეაფასა 2021 წლის ადგილობრივი თვითმმართველობის არჩევნების ზეგავლენა საქართველოსა და ევროკავშირის ურთიერთობებზე.

მისივე თქმით, ევროპარლამენტარები განსაკუთრებით ყურადღებით აკვირდებიან იმას, თუ როგორ გაუმკლავდება ამ საკითხს საქართველოს სასამართლო სისტემა.

„რაც შეეხება საქართველოს ყოფილი პრეზიდენტის შემთხვევას, ჩვენ მის ირგვლივ განვითარებულ პროცესებს ძალიან აქტიურად ვაკვირდებით. მე მესმის, რომ მას მიეწოდება სამედიცინო დახმარება მისი პირადი ექიმებისგან, მაგრამ კიდევ ერთხელ ვიმეორებ, ჩვენ ვადევნებთ თვალყურს, რომ მისი ყველა უფლება დაცული იყოს და ყველა სამართლებრივი საკითხი და გადაწყვეტილება მიღებული იქნება კანონის უზენაესობის შესაბამისად. რა თქმა უნდა, ჩვენ ვადევნებთ თვალს, როგორ გადაწყვეტს ამ საკითხს საქართველოს სასამართლო სისტემა", - განაცხადა მარინა კალიურანდმა.