რატი იონათამიშვილის განცხადებით, სახალხო დამცველის მიერ შექმნილი კონსილიუმის კვლევა “ამაზრზენი და არასანდოა”

“ქართული ოცნების” წევრის რატი იონათამიშვილის განცხადებით, სახალხო დამცველის მიერ შექმნილი კონსილიუმის კვლევა “ამაზრზენი და არასანდოა”.

მისი თქმით, მიხეილ სააკაშვილის სამოქალაქო კლინიკაში გადაყვანის საჭიროება არ არის და გლდანის მე-18 დაწესებულების აღჭურვილობაზე კითხვები არ ისმის.

„იქნება ეს ტექნიკური აღჭურვილობა თუ პერსონალი, ამ მხრივ კითხვის ნიშნები არ არის და ერთადერთ მიზეზად დასახელებულია, რომ თითქოს ეს აღჭურვილობა ახალია და ამიტომ არ შეიძლება იქ დატოვება. ეს ამაზრზენი და არასანდო კვლევაა”,- განაცხადა იონათამიშვილმა.

ჟურნალისტის კითხვაზე იმის შესახებ, რომ ირაკლი კობახიძე სახალხო დამცველისა და კონსილიუმის სამართლებრივ პასუხისმგებლობაზე მიუთითებს, იონათამიშვილი ამბობს, რომ საქმე უპირველესად სამართლიანი სახელმწიფოს პრინციპის დაცვას ეხება. ამასთან, ლომჯარიაზე საუბრისას იონათამიშვილი ამბობს, რომ “როდესაც მიზანმიმართულად კონკრეტული პოლიტიკური ჯგუფის თუ დაჯგუფების ინტერესების დამცველი ხარ, ეს ძალიან უხერხულია”.

კითხვაზე, ვისი ინტერესების გამტარებელია ომბუდსმენი, დეპუტატი ამბობს, რომ “ნაციონალური მოძრაობის”.

“თითოეულ ჩვენგანს ძალიან დიდი პასუხისმგებლობა გვაქვს და ამ პასუხისმგებლობის კეთილსინდისიერად გამოყენება პირველ რიგში, სამართლიანი სახელმწიფოს პრინციპის დაცვას ნიშნავს. ეს განაპირობებს საზოგადოების ნდობას და რეპუტაციას კონკრეტული ადამიანის მიმართ”,- განაცხადა რატი იონათამიშვილმა.

ცნობისთვის, სახალხო დამცველის მიერ შექმნილი სპეციალისტთა/ექსპერტთა ჯგუფი მიხეილ სააკაშვილის სამედიცინო მდგომარეობის მონიტორინგის შედეგებზე დასკვნას აქვეყნებს. დასკვნის თანახმად, პაციენტ მიხეილ სააკაშვილის მდგომარეობის კრიტიკულობიდან გამომდინარე, მისი მკურნალობის გაგრძელება დაუყოვნებლივ რეკომენდებულია ფუნქციურად გამართულ და დიდი გამოცდილების მქონე პოლიპროფილურ ჰოსპიტალში კერძოდ ინტენსიური თერაპიის განყოფილებაში, რის პირობებსაც მე-18 დაწესებულების კლინიკა არ აკმაყოფილებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს