დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის განცხადებით, ამბულატორიულ და ლაბორატორიულ სექტორზე ზეწოლა არის, რაც ერთ-ერთი გამოწვევაა.
როგორც მან საკოორდინაციო საბჭოს სხდომის დასრულების შემდეგ აღნიშნა, ტესტირებაზე მიმართვიანობა გაზრდილია.
„დღეს ერთ-ერთი გამოწვევა და ზეწოლა არის ამბულატორიულ და ლაბორატორიულ სექტორზე. ძალიან დიდია მიმართვიანობაა, 85 ათასზე მეტი ტესტი იყო ბოლო 24 საათში ჩატარებული. ბოლო 1 თვის საშუალო მაჩვენებელი გვაქვს 52 ათასი, როგორც სწრაფი, ისე "პსრ" ტესტი. "პსრ" გვაქვს ყველაზე მაღალი იანვარში, ამ პანდემიის პერიოდში საშუალო გვქონდა 20-21 ათასი "პსრ" ტესტი. რაც შეეხება იმას, თუ რამდენია კომერციული და რამდენია სახელმწიფოს ხარჯზე, კომერციულის წილი საერთო ტესტირებაში სხვადასხვაა და მერყეობს 7-8%-დან და 15%-ის ფარგლებში. დღეს დილისთვის კომერციული წილი დაახლოებით 12%-ია, როგორც "პსრ"-ის, ისე სწრაფი ტესტების, დანარჩენს ყველაფერს სახელმწიფო ანაზღაურებს“,-განაცხადა გამყრელიძემ.