სერგო ჩიხლაძე მიიჩნევს, რომ ბადრი ჯაფარიძისთვის სადეპუტატო უფლებამოსილების შეწყვეტის საფუძველი არ არსებობს და „ქართული ოცნება“ ოპოზიციისთვის პრობლემების შექმნას ცდილობს

ბადრი ჯაფარიძისთვის სადეპუტატო უფლებამოსილების შეწყვეტის არანაირი საფუძველი არ არსებობს, ნებისმიერ შემთხვევაში ვფიქრობ, 50 ხმა მოგროვდება საგამოძიებო კომისიისთვის, რომლის გატანას აპირებს ოპოზიცია, - ამის შესახებ „სტრატეგია აღმაშენებლის“ წევრმა სერგო ჩიხლაძემ განაცხადა, რითაც უპასუხა შეკითხვას, შეექმნება თუ არა საფრთხე საგამოძიებო კომისიების შექმნას იმ შემთხვევაში, თუკი უმრავლესობა „ლელოს“ დეპუტატ ბადრი ჯაფარიძეს სადეპუტატო უფლებამოსილებას შეუწყვეტს.

სერგო ჩიხლაძე მიიჩნევს, რომ „ქართული ოცნება“ ოპოზიციისთვის პრობლემების შექმნას ცდილობს და თანამშრომლობაზე ორიენტირებული არ არის.

"რა თქმა უნდა, უფლებამოსილების შეწყვეტა, განსაკუთრებით ბადრი ჯაფარიძის შემთხვევაში, ეს არის გამოხატულება "ქართული ოცნების" დამოკიდებულების, რომ კი არ ითანამშრომლოს ოპოზიციასთან, არამედ ებრძოლოს მას თავის პოლიტიკური ინტერესებიდან გამომდინარე. ისინი ხელიდან არ უშვებენ შანსს, რომ ოპოზიციას პრობლემები შეუქმნან. თუმცა, დარწმუნებული ვარ, მათ ეს არ გამოუვათ, რადგან ეს არის უკანონობა", - განაცხადა ჩიხლაძემ.

ცნობისათვის, საგამოძიებო კომისიის შექმნას პარლამენტის ერთი მესამედის მხარდაჭერა სჭირდება. ფრაქციამ "ნაციონალური მოძრაობა - ძალა ერთობაშია" უკვე დაარეგისტრირა საგამოძიები კომისიის ინიციატივა, რომელმაც მიხეილ სააკაშვილის მიმართ შესაძლო არაადამიანური მოპყრობა უნდა გამოიძიოს. ოპოზიციას სურს პარლამენტში კიდევ ორი საგამოძიებო კომისია შეიქმნას, რომელიც კორუფციის ფაქტებს და 5-6 ივლისის მოვლენებს გამოიძიებს.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო