GIPA Media Lab-ის მონაწილეებმა ჯავახეთსა და ქვემო ქართლში ფოტო პროექტების პრეზენტაცია გამართეს

GIPA Media Lab-ის მონაწილეებმა ჯავახეთსა და ქვემო ქართლში ფოტო პროექტების პრეზენტაცია გამართეს.

GIPA-ს ინფორაციით, პროექტის მონაწილეებმა საკუთარ რეგიონებში სხვადასხვა თემაზე, მათ შორის ადგილობრივ პრობლემებსა და საინტერესო ადამიანებზე შექმნილი 29 ფოტო პროექტი წარადგინეს. საუკეთესოები კი სპეციალურად მოწვეულმა ჟიურიმ, მედია პლატფორმა ჩაიხანას ფოტორედაქტორმა ნინო-ანა სამხარაძემ და ფრილანს ფოტოგრაფმა მანო სვანიძემ გამოავლინეს. ჟიურის წევრებმა გამარჯვებულებს სერთიფიკატები და სპეციალური პრიზები გადასცეს.

„GIPA Media Lab-ში ფოტოგრაფიის კურსი ორი თვის განმავლობაში მიმდინარეობდა, ხოლო ტრენინგებს დოკუმენტალისტი და ფოტოგრაფი მაკა გოგალაძე უძღვებოდა.

GIPA Media Lab-ი უკვე მეოთხე წელია ამერიკის საელჩოსა და ამერიკის სახელმწიფო დეპარტამენტის ხელშეწყობით ხორციელდება. პროექტი მიზნად ისახავს ეთნიკური თემების ახალგაზრდების მულტიმედიური უნარ-ჩვევებით აღჭურვას და მათ საზოგადოებრივ ცხოვრებაში ინტეგრირებას.

ტრენინგები ორ რეგიონში, ქვემო ქართლსა და ჯავახეთში იმართება.

სემინარებისა და ტრეინინგების საშუალებით ახალგაზრდები ამბის თხრობის უნარებს, ჟურნალისტური კვლევისა და შინაარსის მრავალფეროვან ფორმატში დამუშავების ტექნიკას სწავლობენ, ასევე ისინი გამოცდილებას იძენენ სოციალური კამპანიების ორგანიზებაში.

პროექტს საქართველოს საზოგადოებრივ საქმეთა ინსტიტუტის (GIPA) ჟურნალისტიკისა და მედია მენეჯმენტის კავკასიური სკოლა ახორციელებს და სახელოსნოებს, სემინარებსა და ტრეინინგებს GIPA-ს აკადემიური პერსონალი და მოწვეული ლექტორები უძღვებიან. ასევე, პროექტში ჩართულნი არიან ჟურნალისტიკის სამაგისტრო პროგრამის სომეხი, აზერბაიჯანელი სტუდენტები და კურსდამთავრებულები. მულტიეთნიკურ რეგიონებში სწორედ ისინი უწყობენ ხელს კომუნიკაციის გაღრმავებას. პროექტი სამი ქვეყნიდან აახლოვებს ახალგაზრდებს და მათ ერთი იდეის, კავკასიის უკეთესი მომავლის გარშემო აერთიანებს.

ტრენინგის მონაწილეების მიერ შექმნილ პროექტები სხვადახხვა პრიზებით ბრუნდებიან როგორც ადგილობრივი, ასევე საერთაშორისო ფესტივალებიდან. გულგუნ მამედხანოვას ფილმი „16 წლის ცოლები“ თბილისის საერთაშორისო კინო ფესტივალის 90-წამიანი ფილმების კონკურსის “Depict!”-ის გამარჯვებული გახდა, იმავე ფილმით კი Young Adami 2020-ის პრიზიც მოიპოვა. Adam Media Prize 2018 წლის გამარჯვეულია აზიზ განიევის ფილმიც “როგორია, იყო ახალგაზრდა ბიჭი სოფლად, ქვემო სარალში”,- აღნიშნულია გავრცელებულ ინფორმაციაში.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა