პაატა მანჯგალაძე - სალომე ზურაბიშვილს მიანიშნეს, ძალიან არ გაგიტკბეს პრეზიდენტად ყოფნა - საერთოდ გამოგკეტავთ სახლში და იქნები ფრანგი პენსიონერიო

პრეზიდენტს მიანიშნეს, ძალიან არ გაგიტკბეს პრეზიდენტად ყოფნა - საერთოდ გამოგკეტავთ სახლში და იქნები ფრანგი პენსიონერიო - ასე შეაფასა „სტრატეგია აღმაშენებელის“ ერთ-ერთმა ლიდერმა, დეპუტატმა პაატა მანჯგალაძემ საქართველოს მთავრობის მიერ პრეზიდენტსა და მთავრობას შორის უფლებამოსილებების გამიჯვნის თაობაზე საკონსტიტუციო სასამართლოსთვის სარჩელით მიმართვა.

პაატა მანჯგალაძის შეფასებით, „ქართული ოცნების“ ლიდერებს, პარტიის დამფუძნებლის, ბიძინა ივანიშვილის დავალებით შეუძლიათ პრეზიდენტ სალომე ზურაბიშვილს „დაუღრიალონ.“

ოპოზიციონერი პოლიტიკოსის თქმით, სხვადასხვა საკითხებში ხელისუფლებასა და პრეზიდენტს შესაძლოა განსხვავებული პოზიცია ჰქონდეთ, თუმცა, „ქართული ოცნება“ სალომე ზურაბიშვილს ეუბნება, რომ ამ განსხვავებული აზრის გამო, დაისჯება.

„კობახიძე პოლიტიკურ ტროლად ჩამოყალიბდა, რადგან არანაირი პოლიტიკური დღის წესრიგი არ აქვთ ამ ადამიანებს, არანაირ პასუხისმგებლობას არ გრძნობენ ხალხის წინაშე, უფრო მეტიც, „ქართული ოცნების“ ლიდერებს და პრემიერ-მინისტრს რომ ვხვდები, შეშინებულები არიან. ღარიბაშვილი ფიქრობს, რომ მას არ აქვს უფლება იყოს პრემიერ-მინისტრი, კობახიძე ფიქრობს, რომ მას არ აქვს უფლება იყოს პარტიის თავმჯდომარე, პაპუაშვილი ფიქრობს, რომ მას არ აქვს უფლება იყოს პარლამენტის თავმჯდომარე, რომ ბიძინა ივანიშვილმა არ იეჭვინოს და არ იფიქროს, რომ ამათმა მართლა დაიჯერეს, რომ ხელისუფლებას მართავენ და მაშინვე მოაშორებენ. თოკით არიან დაბმულები, ძალიან მიშვებულიც არ ჰყავს ბიძინა ივანიშვილს, შეუძლიათ დაუღრიალონ სალომე ზურაბიშვილს. შიგნით არავინ არაფერს არ წყვეტს. მერე დასჯის ბიძინა და ამიტომ თამაშობენ მოკლე დისტანციაში.

პრეზიდენტს მიანიშნეს, რომ როგორც თვითონ არიან არც ისე გრძელი თოკებით მობმული, ისეთივე თოკი გაქვს შენც და ძალიან არ გაგიტკბეს პრეზიდენტად ყოფნაო. არც შენ ხარ პრეზიდენტი, ყველა ერთი კაცის ნებას ვასრულებთ და არ დაგავიწყდეს, რომ ბიძინას წიაღში ყველა ერთი ვართო. განსხვავებული პოზიცია შეიძლება ჰქონდეთ რაღაც საკითხებზე სალომე ზურაბიშვილს და „ქართულ ოცნებას“, მაგრამ ძალიანაც არ გაგიტკბეს ამ განსხვავებული პოზიციებში ყოფნა, თორემ დაისჯებიო. ჩამოგართმევთ ელჩების დანიშვნის ნაწილში დისკრეციას, ასევე სხვა მიმართულებითაც და საერთოდ გამოგკეტავთ სახლში და იქნები ფრანგი პენსიონერიო, ამას ეუბნებიან“, - განაცხადა პაატა მანჯგალაძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა