არჩილ თალაკვაძე - ნამდვილად იქნება უსამართლო, თუ საქართველო კანდიდატის სტატუსს არ მიიღებს

საქართველოსთან მიმართებით ნამდვილად იქნება უსამართლო, თუ საქართველო კანდიდატის სტატუსს არ მიიღებს,- ამის შესახებ პარლამენტის ვიცე - სპიკერმა არჩილ თალაკვაძემ ჟურნალისტებთან განაცხადა, რითაც უპასუხა კითხვას რამდენად რელევანტურია, როცა ამ კონტექსტში ირაკლი ღარიბაშვილი და კახა კალაძე ქვეყნის "დასჯაზე" საუბრობენ.

მისივე თქმით, გადაწყვეტილებას ექნება პოლიტიკური კონტექსტი, კერძოდ, ის რომ უკრაინაში ომი მიმდინარეობს.

"არა მხოლოდ ჩვენ, არამედ ბევრ პოლიტიკოსს ევროპაშიც კი მიაჩნია, რომ საქართველოსთან მიმართებით უნდა იყოს მიღებული იგივე გადაწყვეტილება, რაც უკრაინასა და მოლდოვასთან მიმართებით არის რეკომენდირებული ევროკომისიის მხრიდან. ჩვენ მხარს ვუჭერთ უკრაინას, მოლდოვას და ვულოცავთ მათ, რომ ასეთი რეკომენდაცია გამოიცა, თუმცა, ამავე დროს ვამბობთ, რომ საქართველოსთან მიმართებით ნამდვილად იქნება უსამართლო, თუ საქართველო კანდიდატის სტატუსს არ მიიღებს. თუმცა, ამას ექნება თავის ახსნა, პოლიტიკური კონტექსტი არსებობს, მიმდინარეობს ომი უკრაინაში და როგორც ჩანს ევროკომისიამ თავის გადაწყვეტილება დააფუძნა ამ ფაქტორებზე", - განაცხადა თალაკვაძემ.

მისივე თქმით, ომი უკრაინაში და ის რთული მდგომარეობა რაშიც უკრაინა იმყოფება გახდა საფუძველი, რომ ევროკავშირმა მთავარი აქცენტი გააკეთა უკრაინაზე და თავად ასე სჯერათ, რომ უკრაინა გულწრფელად იმსახურებს ყველაზე დიდ მხარდაჭერას ამ მომენტში.

თალაკვაძის განცხადებით, საქართველოსთან მიმართებით ევროკომისიამ აირჩია "სტრატეგიული მოთმინება, მოლოდინი და ქვეყნის შემდგომი მხარდაჭერა რეფორმებში", ამიტომ ქვეყანა შეასრულებს პირობებს და მზად იქნება ხელახლა დაუბრუნდეს სტატუსის მინიჭების საკითხს.

ნატალი საბანაძე - ევროკავშირის გაფართოების საკითხი 15 დეკემბერს რომ ჩავარდეს, პუტინისთვის გადასარევი საახალწლო საჩუქარი იქნება - რთული სათქმელია, ორბანი პირდაპირ იღებს თუ არა დაკვეთებს, მაგრამ ფაქტია, რომ რუსეთთან რაღაც ინტერესების თანხვედრაა
ქართული პრესის მიმოხილვა 07.12.2023
კახა გოგოლაშვილი - გალის კონფლიქტების პრევენციის ფორმატი რუსეთს აფხაზეთსა და საქართველოს შორის სახმელეთო სატრანზიტო კორიდორის აღდგენისა და საქართველოსა და რუსეთს შორის ვაჭრობის გაზრდისთვის სჭირდება
არჩილ მორჩილაძე - კარგი იქნება, თუ სახელმწიფო, ჯანმრთელობის ხარისხის საერთაშორისო საზოგადოების ISQua-ს მიერ აკრედიტებული სტანდარტების შესაბამისად განაახლებს დღეს არსებულ სანებართვო პირობებსა და რეგულაციებს
ჰიუნდაი ავტო საქართველოს შეთავაზება ბესტსელერ მოდელებზე გრძელდება
ლიბერთის Mastercard ბარათით გადახდისას, „ზოდიში“ ყველაზე მაღალი ქეშბექი ბრუნდება
საქართველოსა და რეგიონში პირველად, „სელფის“ 5G ქსელი უკვე დეკემბერში იქნება ხელმისაწვდომი