აკაკი ბობოხიძე - რაც შეიძლება მეტმა ადამიანმა უნდა გააცნობიეროს, რომ ევროპული მომავალი და „ქართული ოცნება“ ერთმანეთთან შეუთავსებელია

„ევროპული საქართველოს“ ერთ-ერთი ლიდერის, აკაკი ბობოხიძის განცხადებით, რაც შეიძლება მეტმა ადამიანმა უნდა გააცნობიეროს, რომ ევროპული მომავალი და „ქართული ოცნება“ ერთმანეთთან შეუთავსებელია და ყველას ვინც უპირატესობას საქართველოს ევროპულ მომავალს ანიჭებს, მხარი უნდა დაუჭიროს „ქართული ოცნების“ ხელისუფლებიდან წასვლას.

„ჩვენი გეგმები არ იცვლება, ჩვენი პოზიცია არ იცვლება, პირიქით სხვების პოზიციები იცვლება და ეს კარგია, რომ ხვდებიან, რომ ამ ხელისუფლებასთან თანამშრომლობით შეუძლებელია რაიმე რეალური შედეგის მიღწევა. სჯობს გვიან, ვიდრე არასდროს და რაც უფრო მალე მიხვდება პოლიტიკური ძალები და მათ შორის, არასამთავრობო ძალები, რომ ამ ხელისუფლებასთან თანამშრომლობით რაიმე რეალური შედეგის მიღწევა შეუძლებელია, მით უფრო მალე დავადგებით სწორ გზას და ეს არის დეოლიგარქიზაციის გზა, „ქართული ოცნების“ ხელისუფლებიდან ჩამოშორების გზა. სხვა შანსი ქვეყანას „ქართული ოცნების“ ხელისუფლებაში ყოფნის პირობებში არ აქვს. ჩვენი გეგმაა, რომ რაც შეიძლება მეტმა ადამიანმა გააცნობიეროს, რომ ევროპული მომავალი და „ქართული ოცნება“ ერთმანეთთან არის შეუთავსებელი და ყველამ, ვინც უპირატესობას ანიჭებს ჩვენი ქვეყნის ევროპულ მომავალს, მხარი უნდა დაუჭიროს „ქართული ოცნების“ ხელისუფლებიდან წასვლას. გზა ევროპისკენ გადის „ქართული ოცნების“ ხელისუფლებიდან არჩევნების გზით ჩამოშორებაზე“, - განაცხადა აკაკი ბობოხიძემ რუსთაველის გამზირზე.

პარლამენტთან აქციის "შინ ევროპისკენ“ მონაწილეები იკრიბებიან.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა