ირაკლი ქადაგიშვილი - ნიკა მელია განცხადებით მოკავშირეების შეძენას ცდილობს პარტიის გარეთ

ნიკა მელია განცხადებით მოკავშირეების შეძენას ცდილობს პარტიის გარეთ და პარტიის შიგნით ის განცდა აქვს, რომ მიხეილ სააკაშვილიმყარი ელექტორატი "ნაციონალური მოძრაობისთვის" ხმის მიმცემი სწორედ სააკაშვილის ფაქტორის გამო იქნება,- ასე ეხმაურება პარლამენტის საპროცედურო საკითხთა კომიტეტის თავმჯდომარე ირაკლი ქადაგიშვილი ნიკა მელიას განცხადებას, სადაც მან “ნაციონალური მოძრაობის” აქტივისტის მხრიდან მამუკა ხაზარაძესთან დაპირისპირების ფაქტზე მხარდაჭერა ხაზარაძეს გამოუცხადა.

როგორც ქადაგიშვილი აღნიშნავს, “ნათელია, რომ "ნაციონალური მოძრაობა" რამდენიმე ფრთად არის დაყოფილი, სადაც არიან ე.წ. “ორთოდოქსი მიშისტები” და მელიას მომხრეები”.

„მგონია, რომ “ნაციონალური მოძრაობის” ძირითადი ელექტორატი მიხეილ სააკაშვილის მხარდამჭერია. ნიკა მელია ამ განცხადებით მოკავშირეების შეძენას ცდილობს პარტიის გარეთ და პარტიის შიგნით ის განცდა აქვს, რომ მიხეილ სააკაშვილის მყარი ელექტორატი "ნაციონალური მოძრაობისთვის" ხმის მიმცემი სწორედ სააკაშვილის ფაქტორის გამო იქნება. ანუ, "ნაციონალური მოძრაობა" და მიხეილ სააკაშვილი ორი განსხვავებული რამეა - ერთ მხარესაა სააკაშვილი იმ ამომრჩევლით, რომელიც "ნაციონალურ მოძრაობას" ხმას ისე აძლევდა, როგორც სააკაშვილის პარტიას და მეორეა - სააკაშვილისგან გამიჯნული “ნაციონალური მოძრაობა” ნიკა მელიას თავმჯდომარეობით”,- განაცხადა ირაკლი ქადაგიშვილმა.

შეგახსენებთ, რომ ბათუმში მომხდარ ინციდენტს, რა დროსაც “ლელოს” ლიდერს მამუკა ხაზარაძეს “ნაციონალური მოძრაობის” აქტივისტი დაუპირისპირდა, ნიკა მელია გამოეხმაურა და განაცხადა, რომ ეს სამარცხვინოა.

“სამარცხვინოა, როდესაც ვითომ კეთილი ზრახვებითა და ვითომ მიშას გათავისუფლების იდეით „შთაგონებული“ აქტივისტი, შეურაცხყოფას აყენებს პარტნიორი ოპოზიციური პარტიის თავმჯდომარეს, მისნაირების გამო ერიდება ბევრი „ნაცმოძრაობის“ მხარდაჭერას”,- განაცხადა მელიამ.

“ჯერ კადრში ეჭრებოდა მამუკა ხაზარაძეს და შემდეგ მის მეუღლეს ბრალი დასდო პლაკატის დახევაში. შემდეგ ეს ამბავი დაიხვია და შეცდომაში შეიყვანა ძალიან ბევრი ადამიანი და აიყოლია პარტნიორი ოპოზიციური პარტიის თავმჯდომარისა და მისი ოჯახის წინააღმდეგ აგორებულ ცილისმწამებლურ კამპანიაში.

ვიდეოში ჩანს, რომ ჯერ არანაირი პლაკატი არაა დახეული და იგი უკვე ფიზიკურ აგრესიაზეა გადასული! არადა, ხალხს აჯერებდა, რომ მისი აღშფოთება პლაკატის დახევამ განაპირობა!”,- წერს ნიკა მელია.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი