საქართველოს საგარეო საქმეთა მინისტრი ესპანელ კოლეგას შეხვდა

საქართველოს საგარეო საქმეთა მინისტრმა, ილია დარჩიაშვილმა ჩეხეთში, ევროკავშირის წევრი ქვეყნების საგარეო საქმეთა მინისტრების არაფორმალური სამიტის ფარგლებში, შეხვედრა გამართა ესპანელ კოლეგასთან, ხოსე მანუელ ალბარესთან. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

უწყების ცნობით, შეხვედრაზე საუბარი შეეხო საქართველო-ესპანეთის ორმხრივ ურთიერთობებს, ასევე საქართველოს ევროპული ინტეგრაციის დღის წესრიგს. ხაზი გაესვა ესპანეთის მხარდაჭერას ქვეყნის ევროპული და ევრო-ატლანტიკური მისწრაფებების მიმართ, მაღალი შეფასება მიეცა მადრიდის მხრიდან ნატოს სამიტის მასპინძლობას და საქართველოს მხარდამჭერ გადაწყვეტილებებს.

„საქართველოს საგარეო საქმეთა მინისტრმა ესპანელ კოლეგას მიაწოდა ინფორმაცია ევროპული ინტეგრაციის მიმდინარე დღის წესრიგზე, ასევე საქართველოს მხრიდან როგორც ასოცირების დღის წესრიგით გათვალისწინებული ვალდებულებების, ასევე ევროკომისიის რეკომენდაციების შესრულების მხრივ არსებულ პროგრესზე. ამ მხრივ დადებითად შეფასდა საქართველო - ევროკავშირის ასოცირების საბჭო, რომელიც ახლო მომავალში გაიმართება.

მინისტრებმა მიმოიხილეს ორი ქვეყნის თანამშრომლობის საკითხები, როგორც ორმხრივ, ისე მრავალმხრივ ფორმატებში.

საქართველოს საგარეო საქმეთა მინისტრი უკრაინელ და მოლდოველ კოლეგებთან ერთად, ევროკავშირის საბჭოს თავმჯდომარე ქვეყნის - ჩეხეთის მიწვევით, 30-31 აგვისტოს, ქ. პრაღაში, ევროკავშირის საგარეო საქმეთა მინისტრების არაფორმალურ ე.წ გიმნიხის შეხვედრაში მონაწილეობს“, - ნათქვამია ინფორმაციაში.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება