უკრაინის ხარკოვის ოლქის მოსაზღვრე, რუსეთის რეგიონის, ბელგოროდის ოლქის გუბერნატორმა ვიაჩესლავ გლადკოვმა მშვიდობიან მოქალაქეებს უკრაინის საზღვართან ახლოს მდებარე სოფლების დატოვებისკენ კვლავ მოუწოდა.

გლადკოვმა „ტელეგრამის“ არხზე განაცხადა, რომ ის სოფელ ჟურავლევკაში იმყოფებოდა, სადაც ვითარება "რთულია, მაგრამ ყველა სერვისი ადგილზეა", მათ შორის სამართალდამცავები და მესაზღვრეები.

„ჩვენ ვაგრძელებთ ადამიანების დარწმუნებას, რომლებიც ჯერ კიდევ ჟურავლევკაში და ნეხოტეევკაში რჩებიან, დროებით დატოვონ თავიანთი სახლები“, - დასძინა გლადკოვმა.

მედიის ცნობით, საზღვრის გასწვრივ დაბომბვამ ორივე მხარის დასახლებები დააზიანა.