ურსულა ფონ დერ ლაიენი და ლიზ ტრასი - პუტინის მიერ ნაწილობრივი მობილიზაციის გამოცხადება იმის ნიშანია, რომ რუსეთის შეჭრა მარცხდება
ევროკომისიის პრეზიდენტი ურსულა ფონ დერ ლაიენი და გაერთიანებული სამეფოს პრემიერ-მინისტრი, ლიზ ტრასი უკრაინაში რუსეთის ქმედებებს გმობენ და თანხმდებიან, რომ პუტინის მიერ ნაწილობრივი მობილიზაციის გამოცხადება იმის ნიშანია, რომ რუსეთის შეჭრა მარცხდება, ეს არის სისუსტის გამო გაკეთებული განცხადება, - ამის შესახებ ევროკომისიის პრეზიდენტისა და გაერთიანებული სამეფოს პრემიერ-მინისტრის ერთობლივ განცხადებაშია აღნიშნული, რომელიც მათ შორის ნიუ-იორკში გამართული შეხვედრის შემდეგ გამოქვეყნდა.
„მათ აღიარეს უკრაინელი ხალხის სიმამაცე და გამბედაობა და ხაზი გაუსვეს ერთობლივ ვალდებულებას, გააგრძელონ უკრაინის მხარდაჭერა მის ბრძოლაში მანამ, სანამ საჭირო იქნება“, - აღნიშნულია განცხადებაში.
ურსულა ფონ დერ ლაიენმა და ლიზ ტრასმა ასევე განიხილეს გაერთიანებული სამეფო-ევროკავშირის ურთიერთობები, მათ შორის ენერგორესურსებთან და სასურსათო უსაფრთხოებასთან დაკავშირებული საკითხები.
