„თალიბებმა“ ხელი მოაწერეს დროებით შეთანხმებას რუსეთთან ავღანეთისთვის ბენზინის, დიზელის, გაზისა და ხორბლის მიწოდების შესახებ, - ამის შესახებ ავღანეთის ვაჭრობისა და მრეწველობის მინისტრის მოვალეობის შემსრულებელმა ჰაჯი ნურუდდინ აზიზმა Reuters-ს განუცხადა.

მისი თქმით, სამინისტრო მუშაობს სავაჭრო პარტნიორების გაზრდაზე და რომ რუსეთმა თალიბანის ადმინისტრაციას ფასდაკლება შესთავაზა.

აზიზმა განაცხადა, რომ შეთანხმება ითვალისწინებს რუსეთის მხრიდან ყოველწლიურად დაახლოებით ერთი მილიონი ტონა ბენზინის, ერთი მილიონი ტონა დიზელის, 500 000 ტონა თხევადი ნავთობის გაზისა (LPG) და ორი მილიონი ტონა ხორბლის მიწოდებას.

შეგახსენებთ, „თალიბების“ მთავრობა ჯერჯერობით ოფიციალურად არცერთ ქვეყანას არ უღიარებია.