ლიეტუვამ რუსეთის საელჩოს საქმეთა დროებითი რწმუნებული პერსონა ნონ გრატად გამოაცხადა

ლიეტუვის საგარეო საქმეთა სამინისტრომ რუსეთის საელჩოს საქმეთა დროებითი რწმუნებული, სერგეი რიაბოკონი პერსონა ნონ გრატად გამოაცხადა.

უწყების ინფორმაციით, რუს დიპლომატს ქვეყნის დასატოვებლად 5 დღე მისცეს.

ლიეტუვის საგარეო საქმეთა სამინისტროს გადაწყვეტილება ეფუძნებოდა „რიაბოკონის ბოლო ქმედებებსა და განცხადებებს“, რომლებიც „შეუთავსებელი იყო მის დიპლომატიურ სტატუსთან“ და „მიიჩნეოდა მასპინძელი სახელმწიფოს შიდა საქმეებში ჩარევად, რაც შესაბამისად, არღვევდა ვენის კონვენციას დიპლომატიური ურთიერთობების შესახებ“.

„ლიეტუვის საგარეო საქმეთა სამინისტრომ ასევე კატეგორიულად გააპროტესტა რუსეთის პრეზიდენტის 30 სექტემბრის გადაწყვეტილება უკრაინის დონეცკის, ლუგანსკის, ხერსონისა და ზაპოროჟიეს ოლქების უკანონო ანექსიის შესახებ“, - ნათქვამია განცხადებაში.