ალეკო ელისაშვილი - მარტო ჩვენი პარტიის არა, ყველას მდგომარეობა არის მძიმე, რადგან 2 წელია ერთმანეთის ლანძღვითა და თათხვით ვართ დაკავებული - „ღმერთი, რჯული“, მე მოვეშვი მაგ ამბავს

რა თქმა უნდა, თუ რეალობასთან ახლოა, საკმარისი არაა ჩვენთვის და ეს იმას ნიშნავს, რომ ბევრი გვაქვს სამუშაო , - ასე ეხმაურება პარტია „მოქალაქეების“ ლიდერი, ალეკო ელისაშვილი IRI-ის კვლევის შედეგებს, კონკრეტულად კი კვლევის მიხედვით მისი პარტიის 1%-იან შედეგს.

ალეკო ელისაშვილის განცხადებით, კვლევა პოლიტიკოსებს სარკეში ახედებს და როცა რამე არ მოსწონთ, სარკეს არ უნდა ერჩოდნენ.

„კვლევა საყურადღებოა ყოველთვის და საინტერესოა. რა თქმა უნდა, თუ ეს რეალობასთან ახლოა, საკმარისი არაა ჩვენთვის და ეს იმას ნიშნავს, რომ ბევრი გვაქვს სამუშაო, ჩვენ კიდევ მუშაობა არ გვეზარება და ვიმუშავებთ, რომ ხალხი დავარწმუნოთ, რომ ჩვენი ხედვა და ჩვენი მიდგომები, რასაც ბოლო პერიოდში ვახორციელებთ, არის სწორი.

ფაქტია, რომ ყოველი ასეთი კვლევა გაძლევს მასალას, გახედებს სარკეში და როცა სარკეში იხედები და რაღაც არ მოგწონს, სარკეს არ უნდა ერჩოდე, სხვა რაღაც უნდა გამოასწორო. კვლევაში განსაკუთრებით საინტერესოა ხოლმე თემატური მიმართულება, გადავხედავთ და გავაანალიზებთ კარგად, თუმცა კიდევ ერთხელ გეუბნებით, მეტი გვინდა და მეტისთვის ვიმუშავებთ და თავს არ დავზოგავთ, რომ ხალხს ავუხსნათ რა გვინდა და რას ვსაქმიანობთ“, - განაცხადა ალეკო ელისაშვილმა.

ალეკო ელისაშვილის თქმით, ყველა პარტიის მდგომარეობა ძალიან მძიმეა, რადგან ორი წელია ერთმანეთის „ლანძღვით და თათხვით“ არიან დაკავებული.

„ვხედავთ რა განწყობაცაა რეალურად, ოპოზიციის მდგომარეობა, მარტო ჩვენი პარტიის არა, ყველას მდგომარეობა არის მძიმე, რადგან ორი წელია ერთმანეთის ლანძღვით და თათხვით ვართ დაკავებული. ღმერთი რჯული, მე მოვეშვი მაგ ამბავს დიდი ხანია, თუ თავს არ დაგვესხმებიან ხოლმე, არავის არ ვპასუხობთ და იქით თავს არ ვესხმით იმიტომ, რომ ერთადერთი ჩემი პარტიის დრო და ენერგია მიმართულია იქით, რომ რაღაც კონკრეტული და მნიშვნელოვანი საქმეები გავაკეთოთ პარლამენტში“, - განაცხადა ალეკო ელისაშვილმა.

ინფორმაციისთვის, "საერთაშორისო რესპუბლიკური ინსტიტუტის" (IRI) მიერ ჩატარებული საზოგადოებრივი აზრის კვლევის თანახმად, კითხვაზე, ამ კვირას, რომ საპარლამენტო არჩევნები ტარდებოდეს, რომელ პარტიას მისცემდით ხმას? გამოკითხულ მოქალაქეთა პასუხები შემდეგნაირად გამოიყურება:

ქართული იოცნება - დემოკრატიული საქართველო - 25%; ერთიანი ნაციონალური მოძრაობა - 12%; საქართველოსთვის - გიორგი გახარია - 3%; გირჩი - მეტი თავისუფლება - ზურაბ გირჩი ჯაფარიძე - 3%; სტრატეგია აღმაშენებელი - გიორგი ვაშაძე - 2%; დროა - ელენე ხოშტარია - 2%; ლეიბორისტული პარტია - შალვა ნათელაშვილი - 2%; ხალხისთვის - ანა დოლიძე - 2%; გირჩი - 2%; პატრიოტთა ალიანსი - დავით თარხან მოურავი და ირმა ინაშვილი - 2%; ლელო - 1%; მოქალაქეები - ალეკო ელისაშვილი - 1%; კონსერვატიული მოძრაობა - ალტ-ინფო - 1%; სხვები - 2%; გაფუჭებული საარჩევნო ბიულეტენი - 11%; ხმას არ მივცემდი - 6%; არ ვიცი - 16%; უარი პასუხზე - 7%.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა