უკრაინის კულტურის მინისტრმა დასავლელ მოკავშირეებს მოუწოდა ბოიკოტი გამოუცხადონ რუსულ კულტურას

უკრაინის კულტურის მინისტრმა ალექსანდრ ტკაჩენკომ ქვეყნის დასავლელ მოკავშირეებს მოუწოდა ბოიკოტი გამოუცხადონ რუსულ კულტურას და შეაჩერონ ჩაიკოვსკისა და სხვა რუსი კომპოზიტორების მუსიკალური წარმოდგენები მანამ, ვიდრე ომი არ დასრულდება.

ტკაჩენკოს თქმით, მსგავსი „კულტურული ბოიკოტი“ „ჩაიკოვსკის გაუქმებას“ არ ნიშნავს, არამედ ეს მისი მუსიკალური წარმოდგენების დაპაუზება იქნება მანამ, ვიდრე რუსეთი არ შეწყვეტს სისხლიან შეჭრას.

როგორც უკრაინის კულტურის მინისტრმა აღნიშნა, მსგავსი ნაბიჯი სწორია იმის გათვალისწინებით, რომ ომი „ცივილიზაციური ბრძოლაა კულტურასა და ისტორიაზე“, რა დროსაც რუსეთი აქტიურად ცდილობს გაანადგუროს უკრაინის კულტურა და მეხსიერება იმ განცხადებებით, რითაც ორი სახელმწიფო თითქოს ერთი ერია.