რამე რომ დაემართოს მიხეილ სააკაშვილს ციხეში, ხელისუფლების წარმომადგენლები იქნებიან ამაზე სრულად პასუხისმგებლები. ასეთ შემთხვევაში, დაივიწყეთ ყველაფერი, დაივიწყეთ, რაც ევროპიდან შეიძლება, მიიღოთ , - ამის შესახებ ევროპარლამენტარმა რაფაელ გლუქსმანმა განაცხადა.

მისი თქმით, საქართველოს ყოფილ პრეზიდენტს, მიხეილ სააკაშვილს უნდა მიეცეს ევროპაში გასვლის და იქ მკურნალობის საშუალება.

„ეს საკითხი პირდაპირაა დაკავშირებული კანდიდატის სტატუსთან. თუ საქართველოს ხელისუფლებას სურს კანდიდატის სტატუსი, მაშინ პირველი და მთავარი ნაბიჯი უნდა იყოს ის, რომ მიხეილ სააკაშვილს მიეცეს ევროპაში გასვლის და იქ მკურნალობის საშუალება. რამე რომ დაემართოს მიხეილ სააკაშვილს ციხეში, ხელისუფლების წარმომადგენლები იქნებიან ამაზე სრულად პასუხისმგებლები. ასეთ შემთხვევაში, დაივიწყეთ ყველაფერი, დაივიწყეთ, რაც ევროპიდან შეიძლება, მიიღოთ. ახლა აქაც, ამ პარლამენტშიც და ამ პარლამენტს მიღმაც ეს არის ლაკმუსის საქმე. თუ თქვენ გინდათ საქართველო ევროპაში და ჩვენ ეს ყველას გვინდა, მაშინ მიშას საქმე ამ გზაზე გადადგმული პატარა ნაბიჯია“, - განაცხადა რაფაელ გლუქსმანმა, რომლის განცხადების თარგმანიც „საზოგადოებრივ მაუწყებელს“ ეკუთვნის.