უკრაინის თავდაცვის უწყება - ყირიმში რუსები სანაპირო ზოლს ნაწილობრივ ნაღმავენ, რათა არ დაუშვან უკრაინული დესანტის გადმოსხმა

ოკუპირებულ ყირიმში რუსები სანაპირო ზოლს ნაწილობრივ ნაღმავენ, რათა არ დაუშვან უკრაინული დესანტის გადმოსხმა. ინფორმაციას ამის შესახებ უკრაინის თავდაცვის სამინისტროს დაზვერვის მთავარი სამმართველო ავრცელებს.

“ოკუპირებულ ყირიმში რუსები სანაპირო ზოლის დამატებით გამაგრებას ცდილობენ, რადგან უკრაინული დესანტის გადმოსხმის ეშინიათ. კერძოდ, სოფელ მოლოჩნოესთან (საკის რაიონი) მდებარე სანაპიროს გასწვრივ დანაღმული ველების, სანგრებისა და თხრილების ქსელი კეთდება”, - წერია განცხადებაში.

ამას გარდა, უკრაინის დაზვერვა აღნიშნავს, რომ ოკუპანტები ტანკსაწინააღმდეგო ტეტრაედრების დაყენებას აგრძელებენ, რათა მძიმე ტექნიკის წინსვლა შეაჩერონ.