გიორგი ბოტკოველი - „სააკაშვილის სიაში“ ბევრი ისეთი ადამიანი მოხვდება, რომელიც შეიძლება ფიქრობს, რომ მისი ირიბი ჩართულობა და მავნებლობა სადმე დაიმალება

სიაზე მუშაობა დაწყებული გვაქვს და აუცილებლად დაიდება კონკრეტული ადამიანების სია, ვინც პირდაპირ და ირიბად არის ჩართული მიხეილ სააკაშვილის წამების პროცესში, - ამის შესახებ "ნაციონალური მოძრაობის" ერთ-ერთმა ლიდერმა გიორგი ბოტკოველმა ჟურნალისტებთან განაცხადა.

მისივე თქმით, „სააკაშვილის სიაში“ ბევრი ისეთი ადამიანი მოხვდება, რომელიც შეიძლება ფიქრობს, რომ მისი ირიბი ჩართულობა და მავნებლობა სადმე დაიმალება.

„პენიტენციური სამსახურისგან რა მოლოდინი შეიძლება გვქონდეს, როდესაც იუსტიციის მინისტრი, ფაქტობრივად, სიკვდილის პრეზენტატორად მოგვევლინა და ის რეალურად არ წარმოადგენს იუსტიციის მინისტრს, ის არის ბიძინა ივანიშვილის მთავარი მწამებელი, მთავარი გადაწყვეტილების მიმღები აქ, თორემ გადაწყვეტილების მიმღები პუტინის დავალებით არის ბიძინა ივანიშვილი. რა მოლოდინი უნდა გვქონდეს სახელმწიფო სტრუქტურის მხრიდან, რომ ისინი რამე კვლევას ჩაატარებენ, რაც რეალურ ანალიზებს აჩვენებს?! რა თქმა უნდა, მტკიცებულებები არსებობს დაწყებული იქიდან რა კადრებიც გამოააშკარავეს. ფაქტია, ისინი ფიქრობდნენ, რომ სათავისო საქმეს აკეთებდნენ, მაგრამ ეს იქნება ერთ-ერთი მნიშვნელოვანი მტკიცებულებები სწორედ იმ სიის დაკომპლექტების პროცესში და იმ პროცესში, რაც მიხეილ სააკაშვილის წამებას და არაადამიანურ მოპყრობას ეხება და ასევე, არსებობს ძალიან ბევრი მტკიცებულება, რომელიც მოპოვებული აქვს ადგილობრივ ადვოკატებს, ასევე საერთაშორისო ექსპერტებს, რომლებიც ჩართულები არიან ამ პროცესში. დღეს გვარების ჩამოთვლას არ მოვყვები, თუმცა მოსახლეობამ კარგად იცის, ყველაფერი ხელის გულზე დევს და ბევრი ისეთი ადამიანი მოხვდება ამ ყველაფერში, რომელიც შეიძლება ფიქრობს, რომ მისი ირიბი ჩართულობა და მავნებლობა სადმე დაიმალება, ამიტომ ბევრი ადამიანი იქნება ისეთი, რომელიც რეალურად იმსახურებს სასჯელს როგორც საერთაშორისო სამყაროსგან, ისე სისხლისსამართლებრივ პასუხისგებას", - განაცხადა ბოტკოველმა.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე