ლევან ხაბეიშვილი - ნებისმიერი სპეკულაცია მიხეილ სააკაშვილის ჯანმრთელობის შესახებ, არის “რუსული ოცნების” ბოროტება

ნებისმიერი სპეკულაცია მიხეილ სააკაშვილის ჯანმრთელობასთან დაკავშირებით, ვფიქრობ, არის მხოლოდ “რუსული ოცნების” ბოროტება, როდესაც ისინი ამბობენ, რომ პრეზიდენტი სააკაშვილი კარგად არის, - ამის შესახებ „ნაციონალური მოძრაობის“ თავმჯდომარეობის კანდიდატმა ლევან ხაბეიშვილმა ჟურნალისტებს პარლამენტში განუცხადა.

მისი თქმით, ძალიან ბევრი ექსპერტის შეფასება და დოკუმენტაციაა არსებობს, რომელიც ადასტურებს იმას, რომ მიხეილ სააკაშვილის ჯანმრთელობის მდგომარეობა მძიმეა.

„საზოგადოებამ მისი ნებისა და კანონის საწინააღმდეგოდ ვიზუალურად ნახა, როგორ გამოიყურება პრეზიდენტი სააკაშვილი, ამიტომ ნებისმიერი სპეკულაცია მის ჯანმრთელობასთან დაკავშირებით, ვფიქრობ, საზოგადოებამ კარგად გაანალიზა და აღიქვა, რომ არის მხოლოდ „რუსული ოცნების“ ბოროტება, როდესაც ისინი ამბობენ, რომ პრეზიდენტი სააკაშვილი კარგად არის. პოლიტიკოსები, „რუსული ოცნების“ სპიკერები საქართველოში ამბობენ, რომ პრეზიდენტი სააკაშვილი კარგად არის, პროფესიონალები ამბობენ, რომ მის ჯანმრთელობას პრობლემა აქვს და მათ შორის დადასტურებულია მოწამვლის ფაქტი. შესაბამისად, ყველა დოკუმენტაცია არსებობს იმისათვის, რომ მოხდეს პრეზიდენტ სააკაშვილის გადაყვანა. ვოლსკისა და მდინარაძის განცხადებები არ ნიშნავს პროფესიონალების გადაწყვეტილებას“, - აცხადებს ხაბეიშვილი.

მისი თქმით, სააკაშვილის ჯანმრთელობის მდგომარეობის შესაფასებლად შეუძლებელია ენდო სამხარაულის ექსპერტიზის ბიუროს.

„ღარიბაშვილს შეიძლება ენდოს პრეზიდენტი სააკაშვილი?. არიან ექსპერტები, ექიმები, პროფესიონალები და დასკვნებს ისინი აკეთებენ“, - აღნიშნავს ხაბეიშვილი.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად