საქართველოს სტატისტიკის ეროვნულმა სამსახურმა სამცხე-ჯავახეთის მმართველობისა და თვითმმართველობის წარმომადგენლებთან გასვლითი სამუშაო შეხვედრა გამართა.
საქსტატის ინფორმაციით, შეხვედრა, რომელიც 23-24 დეკემბერს დაბა ბაკურიანში გაიმართა, გაეროს განვითარების პროგრამის (UNDP) მიერ დაფინანსებული პროექტის - „მონაცემთა შეგროვების პროცესის გაუმჯობესება და ოფიციალური სტატისტიკის მიმართ ნდობის ამაღლება" ფარგლებში ჩატარდა.
„გასვლით სამუშაო შეხვედრას, რომელშიც მონაწილეობდნენ სამცხე ჯავახეთის სამხარეო ადმინისტრაციისა და ექვსივე მუნიციპალიტეტის ეკონომიკური და ფინანსური სამსახურების წარმომადგენლები, საქსტატის აღმასრულებელი დირექტორი გოგიტა თოდრაძე ხელმძღვანელობდა.
ორდღიანი სამუშაო შეხვედრისას, მონაწილეები გაეცნენ საქართველოს სტატისტიკის სისტემის განვითარების ძირითად მიმართულებებს, საქსტატის მიერ შემუშავებულ პროდუქტებს, განვითარებულ სერვისებსა და სამომავლო გეგმებს. ასევე, განიხილეს სტატისტიკური მაჩვენებლების გაანგარიშების მეთოდოლოგიური თავისებურებები და მათ გამოყენებასთან დაკავშირებული საკითხები. იმსჯელეს სხვადასხვა სტატისტიკურ ინდიკატორებსა და მონაცემთა საჭიროებებზე, დაგეგმვისა და გადაწყვეტილების მიღების პროცესში.
შეხვედრის ფარგლებში გაიმართა დისკუსია, შეხვედრის მონაწილეებმა განიხილეს მუნიციპალიტეტების სტატისტიკურ მონაცემებთან დაკავშირებულ საჭიროებები და იმსჯელეს საქსტატის სამომავლო გეგმებში მათი ასახვის შესაძლებლობებზე.
აღნიშნული პროექტის ფარგლებში, 2022 წელს საქსტატმა სტატისტიკური ინფორმაციის მომხმარებლებთან ხუთი შეხვედრა გამართა“, - ნათქვამია ინფორმაციაში.
