„ნაციონალური მოძრაობის“ თავმჯდომარეობის კანდიდატის, გიორგი მუმლაძის განცხადებით, თუ მის მხარდამჭერებს სურთ, რომ ქვეყანაში რუსული რეჟიმი დამარცხდეს, მაშინ პარტიის თავმჯდომარეობის თანამდებობაზე მხარი მას უნდა დაუჭირონ.
„ნაციონალური მოძრაობის“ მხარდამჭერებს ვთავაზობ, რომ თუ უნდათ, შეძლონ ამ ქვეყანაში რუსული რეჟიმი დაამარცხონ, მაშინ უნდა გადადგან სწორი ნაბიჯი და მხარი დამიჭირონ. თუ უნდათ, რომ ისევ ოპოზიციაში იყვნენ, მაშინ მხარს დაუჭერენ იმას, რომ პარტიაში ცვლილებები არ მოხდეს. საარჩევნო კამპანია დაიწყო მას შემდეგ, რაც დავრეგისტრირდი, უბრალოდ, მე ვერ ვხვდები მხარდამჭერებს და სხვა აქტივობებს ვერ ვახორციელებ, რადგან ძირითადად გადართული ვარ მიხეილ სააკაშვილის მხარდამჭერ აქციებზე, მათ შორის იმაზე, რომ სალომე ზურაბიშვილს დაეფიქსირებინა აზრი. ბოლო სამი დღეა სალომე ზურაბიშვილი გაქრა. არც სახლში მიდის და არც რეზიდენციაში. არ ვიცით, შეიძლება ქვეყნიდან არის წასული. შემიძლია პირდაპირ გითხრათ ის, რაც ზუსტად ვიცი“, - აცხადებს მუმლაძე.