საერთაშორისო სათხილამურო ფედერაციის საბჭოს წევრი - ჩემს გაოცებას იწვევს ქართული მხარის სულისკვეთება და საქმისადმი თავდადება
საერთაშორისო სათხილამურო ფედერაციის დელეგატები აქტიურად აკვირდებიან ბაკურიანში მიმდინარე მსოფლიო ჩემპიონატს, ფრისტაილში, სნოუბორდსა და ფრისკიში. ამის შესახებ ინფორმაციას მთის ტრასების სააგენტო ავრცელებს.
როგორც საერთაშორისო სათხილამურო ფედერაციის საბჭოს წევრმა, ფიონა სტივენსმა განაცხადა, ის გაოცებულია ქართული მხარის სულისკვეთებით და საქმისადმი თავდადებით
„მსოფლიო ჩემპიონატი არ არის მხოლოდ კარგი ინფრასტრუქტურა, რომელიც უდავოდ შესანიშნავია ბაკურიანში. ჩემ გაოცებას იწვევს ქართული მხარის სულისკვეთება და საქმისადმი თავდადება, რომ ყველაფერი კარგად წარიმართოს. ძალიან მიხარია რომ ახალი წარმატებული ადგილები ჩნდება ამ სპორტში, ისეთი როგორიც ბაკურიანია. თქვენთან არის მშვენიერი თოვლი, თქვენ გაქვთ შემართება და ენერგია, რაც ერთად, საბოლოოდ ქმნის ამ დიდებულ წარმატებას“, - განმარტავს ფიონა სტივენსი.
v-if="article.gallery" v-html="article.gallery"
