ანა ბუჩუკური - ის, რაც პარლამენტის წინ ევროკავშირის დროშასთან დაკავშირებით მოხდა, ხელისუფლების მხრიდან წახალისებული ქმედებაა
ის, რაც პარლამენტის წინ ევროკავშირის დროშასთან დაკავშირებით მოხდა, ხელისუფლების მხრიდან წახალისებული ქმედებაა, - ამის შესახებ პარტია "საქართველოსთვის" დეპუტატმა ანა ბუჩუკურმა განაცხადა.
ბუჩუკურის თქმით, რადიკალიზაციას ქვეყანაში სწორედ “ქართული ოცნება“ შობს.
“როდესაც პარლამენტის თავმჯდომარე გამოდის და ამბობს, რომ რადიკალიზაცია შობს რადიკალიზაციას, ყველამ ვნახეთ, რომ რადიკალიზაციას “ქართული ოცნება“ შობს. უკვე გადავიდნენ ახალგაზრდების ერთმანეთთან დაპირისპირებასა და საზოგადოების გახლეჩაზე.
ამ დღეების განმავლობაში საქართველოში ევროკავშირის მაღალი რანგის დელეგაცია იმყოფება. ის, რაც ევროკავშირის დროშასთან დაკავშირებით მოხდა, ბიძინა ივანიშვილის მესიჯია ამ ადამიანების მისამართით. ახლა შეწუხებულ სახეებსაც მიიღებენ და დააჯარიმებენ კიდეც, მაგრამ მომხდარი პირდაპირ წახალისებული და ორგანიზებულია ხელისუფლების მხრიდან“, - განაცხადა ანა ბუჩუკურმა.
ცნობისთვის, „ალტ ინფოს“ აქციის მონაწილეებმა პარლამენტის წინ აღმართული ევროკავშირის დროშა ჩამოაგდეს და დაწვეს.
v-if="article.gallery" v-html="article.gallery"
