გიული ალასანია სააკაშვილზე - ვიღაცამ თქვა სტრასბურგში, საკონცენტრაციო ბანაკის ტყვეს ჰგავსო და ნამდვილად ასეა - ცარიელი ჩონჩხია

ამაზე უარესი არის უბრალოდ სიკვდილი, - ამის შესახებ საქართველოს მესამე პრეზიდენტის, მიხეილ სააკაშვილის დედამ, გიული ალასანიამ კლინიკა „ვივამედში“ შვილის მონახულების შემდეგ ჟურნალისტებს განუცხადა.

მან აღნიშნა, რომ მიხეილ სააკაშვილმა წონაში ძალიან დაიკლო და „ცარიელი ჩონჩხია“ დარჩენილი.

„ვიღაცამ თქვა სტრასბურგში, საკონცენტრაციო ბანაკის ტყვეს ჰგავსო და ნამდვილად ასეა, როგორც კი წამოიწევა, ცარიელი ჩონჩხია, გული გაგიჩერდება“, - განაცხადა ალასანიამ.

გარდა ამისა, მან კიდევ ერთხელ განმარტა, რომ პოლონელ ექიმებს საქართველოში ჩამოსვლაში ხელი ეშლებათ.

„რა უნდა უშლიდეს ხელისუფლებას, მათ ხელშია, მისცენ ექიმებს ჩამოსვლის ნებართვა, მითუმეტეს, რომ 27 ქვეყანა მიმართავადა ამ თხოვნით. ფაქტია, ვერ ჩამოდიან. ის ხალხი გამზადებულია მთელი თავისი აღჭურვილობით, მანქანით, რომელშიც ყველაფერია იმისთვის, რომ გასინჯონ ადამიანი და დაწერონ დასკვნა, მაგრამ ფაქტია, რომ ვერ ჩამოდიან“,-განაცხადა გიული ალასანიამ.