„ქართული ოცნების“ თავმჯდომარის, ირაკლი კობახიძის განცხადებით, „ფრანკლინის კლუბსა“ და ყოფილ „კმარელებს“ შორის კავშირი პირდაპირია. აღნიშნულის შესახებ კობახიძემ ჟურნალისტების კითხვის საპასუხოდ განაცხადა.

„ფრანკლინის კლუბსა“ და ყოფილ „კმარელებს“ შორის კავშირი პირდაპირია. ისინი არიან ღირებულებებისგან დაცლილი ადამიანები, რომელთაც ერთადერთი მიზანი ამოძრავებთ, ეს არის კონკრეტული დაკვეთის შესრულება და ქვეყანაში ვითარების არევა. რა თქმა უნდა, ისინი ამას ვერ მიაღწევენ. „კმარას“ დროს სხვა ვითარება იყო. მაშინდელი ხელისუფლება დასუსტებული იყო. დღეს ხელისუფლება საკმარისად ძლიერია იმისთვის, რომ ახალ „კმარებს“ უპასუხოს, მათ შორის ასეთ ექსტრემისტულ დაჯგუფებებს“, - განაცხადა ირაკლი კობახიძემ.