საქართველოს პარლამენტის ეროვნულ ბიბლიოთეკასა და „მასტერქარდს“ შორის თანამშრომლობის მემორანდუმი გაფორმდა

საქართველოს პარლამენტის ეროვნულ ბიბლიოთეკასა და „მასტერქარდს“ შორის თანამშრომლობის მემორანდუმი გაფორმდა.

დოკუმენტს ხელი მოაწერეს ეროვნული ბიბლიოთეკის დირექტორმა გიორგი კეკელიძემ და აღმოსავლეთ ევროპაში კომპანიის მენეჯერმა სულეიმან სოზერიმ.

ეროვნული ბიბლიოთეკის მიერ გავრცელებული ინფორმაციით, თანამშრომლობის მიზანია საქართველოში ფინანსური განათლების განვითარების ხელშეწყობა.

მათივე ცნობით, პარტნიორობის ფარგლებში დაგეგმილია ეროვნულ ბიბლიოთეკაში ფინანსური ლიტერატურის კუთხის მოწყობა (კუთხეს თანამედროვე და ამავე დროს ორიგინალური ფორმა ექნება), საჯარო ლექციებისა და სხვადასხვა საინტერესო აქტივობის ორგანიზება.

„მაისის თვის ისტორიული სერია დაიწყო: მსოფლიო გიგანტი ბრენდი Mastercard ეროვნული ბიბლიოთეკის პარტნიორი გახდა. მემორანდუმს ხელი აღმოსავლეთ ევროპაში კომპანიის მენეჯერთან, სულეიმან სოზერისთან ერთად მოვაწერე. მალე ბიბლიოთეკის ელექტრონულ დარბაზში „მასტერქარდი“ ორიგინალურ ახალგაზრდულ სივრცეს მოაწყობს. ამავდროულად, ბრენდი LIB.GE - აკადემიის ონლაინ–სკოლის პარტნიორიც იქნება. მაისის თვეში ათამდე უმნიშვნელოვანესი შეთანხმება გვექნება კერძო და სახელმწიფო სტრუქტურებთან და საბიბლიოთეკო ცხოვრებას არსებითად ახალ ეტაპზე გადავიყვანთ”, - განაცხადა გიორგი კეკელიძემ.