ანტონიო გუტერეში - უკრაინასა და რუსეთს შორის სამშვიდობო მოლაპარაკებები ამ მომენტში შეუძლებელია, ორივე მხარე დარწმუნებულია, რომ გამარჯვება შეუძლიათ
გაერო-ს გენერალური მდივნის, ანტონიო გუტერეშის განცხადებით, ამჟამად რუსეთსა და უკრაინას შორის მშვიდობის პერსპექტივა არ არსებობს, რადგან ორივე მხარე დარწმუნებულია, რომ შეუძლიათ გაიმარჯვონ.
„სამწუხაროდ, არ ვფიქრობ, რომ სამშვიდობო მოლაპარაკებები ამ მომენტში შესაძლებელია. ორივე მხარე დარწმუნებულია, რომ შეუძლიათ გაიმარჯვონ. ეს იყო რუსეთის შეჭრა, რომელიც ეწინააღმდეგებოდა საერთაშორისო კანონს და გაერო-ს წესდებას, მაგრამ ვერ ვხედავ რუსეთის მზადყოფნას, რომ გავიდეს ტერიტორიებიდან, რომლებიც ამჟამად ოკუპირებულია და ვფიქრობ, უკრაინას აქვს იმედი, რომ დაიბრუნებს მათ“, - აღნიშნა გუტერეშმა ესპანურ გამოცემა El País-თან ინტერვიუში.
მისივე თქმით, გაერო-ს რაც შეუძლია ყველაფერს აკეთებს იმისთვის, რომ ორივე მხარესთან დიალოგი ჰქონდეს კონკრეტული პრობლემების გადასაჭრელად, როგორიცაა უკრაინული მარცვლეულის ექსპორტისა და რუსული სურსათისა და სასუქის ექსპორტი საკითხები.
v-if="article.gallery" v-html="article.gallery"
