ფინანსთა მინისტრი - თითოეული ტრანზაქცია ხორციელდება შესაბამისი სანქციების მკაცრი მეთოდოლოგიით და კრიტერიუმებით
საქართველოს ფინანსთა მინისტრის, ლაშა ხუციშვილის განცხადებით, ინფორმაცია იმის შესახებ, რომ ბათუმსა და რუსეთის ქალაქ ნოვოროსიისკს შორის რეგულარული საზღვაო მიმოსვლა დაიწყო, სიმართლეს არ შეესაბამება.
როგორც მთავრობის სხდომის დასრულების შემდეგ ხუციშვილმა ჟურნალისტებს განუცხადა, აღნიშნულის შესახებ საზღვაო სააგენტოს მიერ გავრცელებულ ინფორმაციაში არსებული რეალობა ძალიან ნათლად არის ასახული.
„ის,რომ რეგულარული მიმოსვლა დაიწყო, [ბათუმსა დანოვოროსიისკს შორის] ასეთი ფაქტი არ არის დაფიქსირებული და შესაბამისად, სიმართლეს არ შეესაბამება. ხოლო, დანარჩენი, თითოეული ტრანზაქცია, რომელიც ხორციელდება, ხორციელდება შესაბამისი სანქციების ძალიან მკაცრი მეთოდოლოგიით და კრიტერიუმებით. ეს არის ორეტაპიანი კონტროლი საზღვაო ტვირთებთან მიმართებაში, რომელიც შემოდის და პირველ რიგში, მოწმდება გემის, გემის მფლობელის და ტვირთის სანქცირება საზღვაო სააგენტოს მიერ და შემოსულ ტვირთთან მიმართებაში უკვე კონტროლს ახორციელებს შემოსავლების სამსახური, საბაჟო დეპარტამენტი იმ მეთოდოლოგიით, რაც არის როგორც სახმელეთო, ისე საჰაერო ტვირთებთან მიმართებაში. ეს მეთოდოლოგია არის ძალიან მყარი და დამაჯერებელი“, - განაცხადა ლაშა ხუციშვილმა.
რაც შეეხება სატრანსპორტოს ნაწილში დასმულ შეკითხვას, მისი თქმით, ეს საკითხიც არ არის განხილვაში.
v-if="article.gallery" v-html="article.gallery"
