ირაკლი ღარიბაშვილი - გვარამიას საქმეზე ჩემგან ნუ ელოდებით კომენტარს, ეს არის ჩვეულებრივი სისხლის სამართლის საქმე
საქართველოს პრემიერ-მინისტრის ირაკლი ღარიბაშვილის განცხადებით, ნიკა გვარამიას საქმე სისხლის სამართლის საქმეა, რომელზეც გადაწყვეტილება სასამართლომ მიიღო და ეს საკითხი პოლიტიკურ კომენტარს არ საჭიროებს.
ამასთან, პრემიერმა უარი თქვა ეპასუხა ჟურნალისტის კითხვისთვის, ხდება თუ არა საქართველოს პრეზიდენტზე სალომე ზურაბიშვილზე ზეწოლა, რომ მან არ შეიწყალოს ტელეკომპანია „მთავარის“ დირექტორი ნიკა გვარამია.
„გვარამიას საქმეზე ჩემგან ნუ ელოდებით კომენტარს, ეს არის ჩვეულებრივი სისხლის სამართლის საქმე, რომელზეც თავისი აზრი და შეფასება, გამოძიების შედეგები დაიდო პროკურატურის მიერ, საგამოძიებო ორგანოების მიერ, შემდეგ სასამართლომ გადაწყვიტა ეს და მე არც ვიცოდი უზენაესში თუ არის მისი საქმე. ეს სასამართლოს გადაწყვეტილებაა და ჩვენ არავითარი როლი არ გვაქვს ამ საქმეში. მაგრამ, მგონი, საზოგადოებამ ძალიან კარგად იცის, რომ გვარამიამ, ისევე როგორც კეზერაშვილმა, მაგრამ აქ უფრო პატარა მასშტაბებია შედარებით, 6 მილიონით გაძარცვა ტელეკომპანია რუსთავი 2“,- განაცხადა ირაკლი ღარიბაშვილმა.
This is a modal window.
v-if="article.gallery" v-html="article.gallery"
